بھارت ریاست گجرات کے شہر بھروچ میں قائم ایک کیمیکل فیکٹری میں زوردار دھماکے سے آگ لگ گئی، اس حادثے میں 6 افراد جھلسنے سے ہلاک ہوگئے۔
بھارتی میڈیا کے مطابق گجرات کے بھروچ میں ایک کیمیکل کمپنی میں دھماکہ ہوا ہے اور اس حادثے میں اب تک 6 افراد ہلاک ہو چکے ہیں۔
یہ واقعہ احمد آباد سے تقریباً 235 کلومیٹر دور دہیج انڈسٹریل ایریا میں واقع یونٹ میں صبح 3 بجے کے قریب پیش آیا۔ بھروچ کی پولیس سپرنٹنڈنٹ لینا پاٹل نے کہا کہ چھ متاثرین ایک ری ایکٹر کے پاس کام کر رہے تھے۔ اس دوران ایک دھماکہ ہوا۔
بھارتی میڈیا سے بات کرتے ہوئے پولیس سپرنٹنڈنٹ لینا پاٹل نے کہا کہ ‘ری ایکٹر میں دھماکے کی وجہ سے فیکٹری میں آگ لگ گئی۔ ری ایکٹر کے قریب کام کرنے والے تمام چھ افراد کی موت ہوگئی۔
لینا پاٹل نے کہا کہ تمام لاشوں کو نکال کر پوسٹ مارٹم کے لیے بھیج دیا گیا ہے۔ اس کے ساتھ ہی آگ پر بھی قابو پالیا گیا ہے۔
بعض میڈیا رپورٹس میں یہ بھی دعویٰ کیا جا رہا ہے کہ دھماکے سے عملے کا ایک شخص لاپتہ ہو گیا ہے، جس کی تلاش جاری ہے۔
دھماکہ اتنا زوردار تھا کہ اس کی آواز دور دور تک سنی گئی۔ پولیس نے موقع پر پہنچ کر تفتیش شروع کر دی۔ فی الحال کمپنی کی جانب سے حادثے کے حوالے سے کوئی بیان جاری نہیں کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News