شیری رحمان نے کہا ہے کہ یہ کیسی سازش تھی جو خط تک محدود تھی؟
سینیٹر شیری رحمان نے کہا ہے کہ پی ٹی آئی نے عوام سے کیے وعدوں اور دعووں میں ایک بھی پورا نہیں کیا، ان کو لگا تھا کنٹینر پر تقریریں کرنے کی طرح ملک چلانا بھی آسان ہے۔
انہوں نے کہا کہ سابق نااہل حکومت نے ملک کو مہنگائی، بیروزگاری اور قرضوں کے بحران میں ڈال دیا ہے، قرضوں پر حکومت چلا کر اب یہ غلامی سے آزادی کے نعرے لاگا رہے ہیں۔
شیری رحمان نے کہا ہے کہ اقوام متحدہ نے پاکستان کو ان 5 ممالک میں شامل کر دیا ہے جن پر بیرونی قرضوں کا شدید بوجھ ہے، 70 سال میں ملک پر قرضوں کا بوجھ 25 ہزار ارب تھا جو پی ٹی آئی حکومت میں 50 ہزار ارب تک پہنچ گیا۔
سینیٹر شیری رحمان نے کہا ہے کہ عمران خان کی حکومت نے مہانہ 540 ارب کے حساب سے قرضے لئے، اسٹیٹ بینک اور معیشت کو آئی ایم ایف کے پاس گروی رکھنے والے کس منہ سے خودمختاری اور آزادی کی باتیں کر رہے ہیں؟
انہوں نے کہا کہ ساڑھے تین میں پی ٹی آئی نے ملک کے لئے خارجہ پالیسی کے بحران پیدا کئے، پی ٹی آئی حکومت کی وجہ سے پاکستان کو سفارتی شرمندگی اور تنہائی کا سامنہ کرنا پڑا۔
شیری رحمان نے کہا ہے کہ خط کو بنیاد بنا کر سیاسی بیانیہ بنایا جا رہا ہے، عمران خان نے خط کا کوئی ثبوت پیش نہیں کیا، یہ ایک فرضی خط ہے جو پہلے جلسے اور پھر ایوان میں لہرایا گیا۔
سینیٹر شیری رحمان نے کہا ہے کہ یہ کیسی سازش تھی جو خط تک محدود تھی؟ پی ٹی آئی خط کی آڑ میں پاکستان کے لئےخطرناک سفارتی بحران پیدا کر رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News