آپ کو صحت مند اور پر کشش جلد کیلئے باورچی خانے سے ہی بہت سی چیزیں با آسانی مل جاتی ہیں جن کو استعمال کر کے آپ اپنی جلد کے کئی مسائل کو حل کر سکتے ہیں۔

گھریلو ٹپس

آلو لگائیں

آلو جلد کو نکھارنے کے لئے بہت بہترین ہے، آدھا کچا آلو پیس کر اسے چہرے پر لگائیں اور 15 منٹ بعد چہرہ نیم گرم پانی سے دھو لیں، پھر دیکھیں اس کے ایک مرتبہ کے استعمال سے ہی کیسے آپ کا چہرہ نکھر جائے گا۔

آلو کے استعمال سے نہ صرف چہرے پر نکھار آئے گا بلکہ آپ کے آنکھوں کے گرد موجود گہرے ہلکے بھی ختم ہو جائیں گے، اس لئے اس نسخے کا روزانہ استعمال کریں اور اس کے حیرت انگیز فوائد خود دیکھیں۔

شہد اور دار چینی

اگر آپ کے چہرے پر بہت زیادہ دانے اور داغ دھبے ہیں تو چہرے پر روزانہ پسی ہوئی دار چینی اور شہد کا ماسک لگائیں اس سے  دانے دور ہوں گے۔

اس کے ساتھ ساتھ دانوں کے نشانات بھی ختم ہوں گے، اس کے بعد چہرہ دھو کر چہرے پر تازہ ایلوویرا جل لگانے سے جلد نکھرے گی نرم و ملائم ہو گی اور مسام صاف ہوں گے۔

ہلدی کا کمال

ہلدی چہرے کو ترو تازہ بنانے اور نکھارنے کے لئے بھی استعمال کی جاتی ہے، اس میں بھرپور اینٹی آکسیڈنٹس اور اینٹی سیپٹکس موجود ہوتے ہیں جو جلد کے لئے بے حد فائدے مند ہیں۔

اگر آپ کے چہرے پر کسی قسم کے نشانات ہیں تو اس کو دور کرنے کے لئے ہلدی میں لیموں شامل کرکے چہرے پر اس کا ماسک لگائیں۔

اگر دھوپ کی وجہ سے چہرہ کالا ہو گیا ہے تو اس کے لئے ہلدی میں لیموں اور دہی شامل کریں پھر یہ پیسٹ لگائیں اور بس دیکھیں اس کا کمال۔

دودھ اور شہد

چہرے کے لئے دودھ کے استعمال سے بہتر کیا ہو سکتا ہے ایسے لوگ جن کی جلد حساس ہے اور کوئی بھی کیمیکل والی چیز استعمال کرنے سے فوری اس کا ری ایکشن ہو جاتا ہے تو وہ دودھ میں شہد ملا کر ایک بوتل میں بھر کر رکھ لیں اور اسے فیس واش کے طور پر استعمال کریں۔

اس طرح ان کا چہرے میں نکھار آئے گا، جلد نرم و ملائم ہوگی دانے دور ہوں گے۔

ٹی ٹری آئل کا استعمال

آپ کے لئے ہر عمر میں یہ ضروری ہے کہ آپ اپنی جلد کو موسچرائز لازمی کریں، چاہے کچھ بھی ہو چہرے کو ہمیشہ جوان رکھنے کے لئے ہر موسم میں موسچرائز کرنا چاہیئے اس کے لئے ٹی ٹری آئل کا استعمال بہترین ہے۔

یہ چہرے کی بناوٹ، جلد کی صفائی اور مسام کو بند کرنے میں مدد گار ہے۔

گلاب کا عرق

چہرے پر آپ چاہے جو بھی کریں کچھ بھی استعمال کریں لیکن آخر میں اس پر ٹونر کا استعمال کرنا نہ بھولیں۔

آپ یہ بات ہمیشہ یاد رکھیں کہ ٹونر لازمی نہیں کہ کسی بڑی کمپنی کا اور مہنگا کیمیکل والا خرید کر ہی استعمال کرنا ہے آپ  گلاب کے عرق کو چہرے پر چھڑک سکتے ہیں۔