ٹیسٹ کرکٹ کو بلے بازوں اور بولرز کے لئے اپنی کارکردگی دکھانے کا  سنہری موقع کہا جاتا ہے،یہی وجہ ہے کہ کھلاڑی کھیل کےطویل فارمیٹ میں اپنی صلاحیتوں کو نکھارتے ہیں۔

تفصیلات کے مطابق ٹیسٹ کرکٹ میں کئی ایسے کھلاڑی آئے جنہوں نے اپنی کارکردگی سے سب کو متاثر کیا اور دنیائے کرکٹ پر راج کیا۔

2019 سے اب تک کرکٹ کی تاریخ میں کئی ایسے باصلاحیت بل باز آئے جنہوں نے آتے ہی رنز کے انبار لگادیے۔

2019 سے اب تک ٹیسٹ کرکٹ میں سب سے زیادہ سینچری اسکور کرنے والے کھلاڑیوں کی فہرست میں انگلینڈ کے مایہ ناز بلے باز جو روٹ سر فہرست ہیں جنہوں نے 11 سنچریاں اسکور کی ہیں۔

دوسرے نمبر پر سری لنکن ٹیم کے کارونارتنے ہیں جنہوں نے اس عرصے میں ٹیسٹ کرکٹ میں 6 سینچریاں اسکور کی،تیسرے نمبر پر عالمی ٹیسٹ رینکنگ میں نمبر 1 پر براجمان آسٹریلیا کے بلے باز مارنس لیبوشین ہیں جنہوں نے 2019 سے اب تک 6 سینچریاں اسکور کی۔

اس کے بعد پاکستان کرکٹ ٹیم کے کپتان اور مایہ ناز بلے باز بر اعظم،بھارتی کرکٹ ٹیم کے بلے باز روہیت شرما اور نیوزی لینڈ کرکٹ ٹیم کے کپتان کین ولیمسن ہیں جنہوں نے 2019 سے اب تک ٹیسٹ کیرئیر میں 5،5 سینچریاں اسکور کی ہیں۔