اسلام آباد ہائی کورٹ نے وزیراعظم شہبازشریف کے صاحبزادے سلیمان شہباز کی حفاظتی ضمانت منظورکرلی۔
تفصیلات کے مطابق اسلام آباد ہائی کورٹ میں منی لانڈرنگ کیس میں وزیراعظم کے صاحبزادے سلیمان شہباز سے متعلق کیس کی سماعت ہوئی۔
اسلام آباد ہائی کورٹ نے سلیمان شہبازکی حفاظتی ضمانت منظور کرتے ہوئے انھیں چودہ روز میں ٹرائل کورٹ میں پیش ہونے کا حکم دے دیا۔
چیف جسٹس اسلام آباد ہائی کورٹ جسٹس عامرفاروق نے منی لانڈرنگ کیس کی سماعت کی جس میں وزیراعظم کے صاحبزادے سلیمان شہبازاپنے وکیل کے ہمراہ پیش ہوئے۔
سلیمان شہبازکے وکیل ایڈووکیٹ امجد پرویزنے عدالت کو بتایا کہ عدالت نے سلیمان شہباز کو پیش ہونے کا حکم دیا تھا۔ سلیمان شہباز عدالت میں پیش ہوگئے ہیں۔
ایف آئی اے اور نیب مقدمات میں سلیمان شہباز نے حفاظتی ضمانت کے لیے اسلام آباد ہائی کورٹ سے رجوع کیا۔
حفاظتی ضمانت کے لئے اسلام آباد ہائی کورٹ نے سلیمان شہباز کو ذاتی حیثیت میں پیش ہونے کا حکم دے رکھا ہے۔
عدالت کے باہرمیڈیا سے گفتگو میں سلیمان شہباز نے کہا کہ الحمد اللہ میں آج چار سال دو ماہ بعد واپس آیا ہوں اورمیں نے اپنے آپ کو عدالت کے سامنے سرینڈر کر دیا ہے۔
سلیمان شہبازنے کہا کہ پچھلے چند سال میں جو کھیل تماشا عمران خان نے کیا وہ ساری دنیا نے دیکھا، جسٹس ریٹائرڈ جاوید اقبال احتساب کے نظام پر کالا دھبہ ہے۔ شریف فیملی کو انتقامی کارروائی کا نشانہ بنایا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News