تنویر الیاس نے کہا ہے کہ کسی کو عوام کے حقوق کی پامالی کی اجازت نہیں دیں گے۔
وزیر اعظم آزاد ریاست جموں و کشمیر سردار تنویر الیاس نے خواتین کے عالمی دن کے موقع پر منعقدہ پر وقار تقریب میں شرکاء سے خطاب کرتے ہوئے کہا کہ اس ریاست کے لیے ہماری ماؤں اور بہنوں نے مثالی قربانیاں دیں۔
انہوں نے کہا کہ ریاست کی ترقی اور فلاح میں خواتین نے مرکزی کردار ادا کیا ہے، دنیا کا کوئی ایسا شعبہ نہیں جس مین خواتین کام نہ کرسکتی ہوں، ہم نے اقتدار میں آنے کے بعد لوکل سطح پر پہلی مرتبہ سرکاری بورڈز میں خواتین کو نمائندگی دی۔
وزیراعظم آزاد کشمیر نے یہ بھی کہا کہ خواتین کے لیے وومن ہوسٹلز کے قیام سمیت مظفر آباد کے بعد اب میر پور اور راولہ کوٹ میں بھی اگلے 3 ماہ میں پنک بس سروس شروع کرنے جارہے ہیں۔
ان کا کہنا تھا کہ ہم ہر کسی پر نظر رکھے ہوئے ہیں ،یہاں اب احتساب ہوتا نظر آئے گا کسی کو عوام کے حقوق کی پامالی کی اجازت نہیں دیں گے ، یہ نہیں ہوسکتا کہ سرکار میں بیٹھے لوگوں کی سوئٹزرلینڈ اور دیگر یورپی ممالک میں اربوں کی جائیدادیں اور آف شور کمپنیاں ہوں۔
وزیراعظم آزاد کشمیر سردار تنویر الیاس خان کا مزید کہنا تھا کہ لوگوں کے وسائل لوٹنے والوں کو کہتا ہوں کہ تمہارا وہ حشر کریں گے کہ تمہاری نسلیں بھی یاد کریں گی ، عوام کی مدد سے ریاست کے حالات بدلیں گے اور اس راہ میں رکاوٹ ڈالنے والوں کو آہنی ہاتھوں سے نمٹتے ہوئے منتقی انجام تک پہنچائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News