شمالی کوریا کے رہنما کم جونگ ان نے غیر متوقع طور پر اپنے روس کے دورے میں توسیع کر دی ہے۔

برطانوی خبر رساں ادارے کی خبر کے مطابق کم جونگ ان نے روس میں اپنے قیام میں توسیع کر دی ہے جہاں وہ ہتھیاروں کے ایک مشتبہ معاہدے کے لیے صدر ولادیمیر پیوٹن سے ملاقات کر رہے تھے۔

دونوں رہنماؤں نے بدھ کے روز فوجی تعاون کے امکانات پر تبادلہ خیال کیا تھا۔

کریملن کے ترجمان کا کہنا ہے کہ صدر پیوٹن نے کم جونگ ان کی جانب سے شمالی کوریا کا دورہ کرنے کی دعوت بھی شکریہ ادا کی۔

واضح رہے کہ امریکہ نے خبردار کیا ہے کہ روس یوکرین کے خلاف جنگ کے لیے ہتھیار خرید رہا ہے اور کسی بھی طرح کی مدد اقوام متحدہ کی قراردادوں کی خلاف ورزی ہوگی۔

کم جونگ ان کا بدھ کے روز روس کے مشرق بعید میں واقع ووستوکنی خلائی مرکز میں روسی صدر ولادیمیر پیوٹن نے پرتپاک استقبال کیا اور شمالی کوریا کے رہنما نے اپنی نجی لگژری بلٹ پروف ٹرین میں دو دن وہاں کا سفر کیا۔

روسی سرکاری میڈیا کی فوٹیج میں دیکھا جا سکتا ہے کہ دونوں رہنما ہاتھ ملاتے ہوئے مسکرا رہے ہیں، اس سے قبل کہ صدر ولادیمیر پیوٹن ذاتی طور پر کم جونگ ان کو خلائی مرکز کے ارد گرد لے گئے۔

کریملن کے ترجمان دمتری پیسکوف نے بتایا کہ دونوں رہنماؤں نے تحائف کا تبادلہ بھی کیا۔ پیوٹن نے کم جونگ ان کو ایک خلائی سوٹ کا دستانہ اور روسی ساختہ رائفل دی تھی۔ کم جونگ ان نے صدر پوتن کو دیگر تحائف کے ساتھ شمالی کوریا کی ساختہ بندوق بھی دی۔

ترجمان دمتری پیسکوف نے مزید تفصیلات بتائے بغیر کہا کہ صدر پیوٹن ملاقات کے بعد ماسکو واپس آ گئے ہیں لیکن مسٹر کم کا دورہ کئی دنوں تک جاری رہے گا۔

توقع کی جا رہی تھی کہ شمالی کوریا کے رہنما روسی جنگی جہازوں کی نمائش کی نگرانی کریں گے، ساتھ ہی متعدد فیکٹریوں کا دورہ کریں گے اور وطن واپسی پر مشرقی شہر ولادی ووستوک کے قریب رکیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں