میکسیکو کے بحرالکاہل کے ساحل سے ٹکرانے والی کیٹیگری فائیو کے سمندری طوفان باعث 27 افراد ہلاک ہو گئے ہیں۔
عالمی خبر رساں ادارے کی خبر کے مطابق میکسیکو کے بحرالکاہل کے ساحل پر آنے والے طاقتور سمندری طوفان اوٹس کے نتیجے میں کم از کم 27 افراد ہلاک اور چار لاپتہ ہو گئے ہیں۔
میکسیکو کے ساحلی شہر اکاپلکو کی تصاویر میں کیچڑ اور ملبے سے بھری سڑکیں اور عمارتیں دکھائی دیتی ہیں جن کو بھاری نقصان پہنچا ہے۔ رہائشیوں کے لئے 500 سے زیادہ ہنگامی پناہ گاہیں بنائی گئی ہیں۔
میکسیکو نے ہزاروں فوجیوں کو اکاپلکو میں صفائی اور امدادی کارروائیوں میں مدد کے لیے بھیجا گیا ہے۔
وزیر خارجہ برائے سلامتی روزا آئسیلا نے جمعرات کو نامہ نگاروں کو بتایا کہ بدقسمتی سے ہمیں ریاستی اور شہری حکومتوں کی جانب سے اطلاع ملی ہے کہ 27 افراد ہلاک اور چار لاپتہ ہیں۔
میکسیکو کے صدر آندریس مینوئل لوپیز اوبراڈور نے کہا کہ یہ ہلاکتیں اکاپلکو کے آس پاس ہوئیں، تاہم انہوں نے اس بارے میں کچھ تفصیلات فراہم نہیں کیں۔
میکسیکو کے صدر نے تسلیم کیا کہ اوٹس کے پیچھے چھوڑی گئی تباہی کی وجہ سے حکومت کو پہنچنے میں تاخیر ہوئی۔
میکسیکو کے صدر لوپیز اوبراڈور نے رات دیر گئے اکاپولکو کا دورہ کیا انہوں نے کہا کہ متاثرہ علاقے میں ہوا اتنی تیز تھی کہ بجلی کا ایک بھی کھمبا اپنی جگہ کھڑا نہیں رہ سکا ہے۔
کیٹیگری 5 کا طوفان وسطی امریکی ملک میں آنے والا سب سے طاقتور طوفان تھا۔
منگل کی صبح 270 کلومیٹر فی گھنٹہ کی رفتار سے چلنے والی ہواؤں کے ساتھ ساحل سے ٹکرانے والے طوفان کے تیزی سے بڑھنے کے بعد کچھ رہائشیوں کو محتاط کر دیا گیا تھا۔
ملک کی وزارت دفاع نے کہا ہے کہ فوج، فضائیہ اور نیشنل گارڈ کے تقریبا 8،400 اہلکاروں کو مدد کے لئے بھیجا گیا ہے۔
میکسیکو کی گورنر ایولین سالگاڈو نے ایک سوشل میڈیا پوسٹ میں کہا کہ حکومت میکسیکو کے بحرالکاہل کے ساحل پر واقع مشہور تفریحی شہر اکاپولکو میں بجلی اور پینے کے پانی کے پمپ بحال کرنے کے لیے کام کر رہی ہے جبکہ علاقے میں اسکول مسلسل دوسرے دن بھی بند ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News