صدر عارف علوی نے غزہ میں نسل کشی کے جرم کی روک تھام اور سزا سے متعلق عالمی عدالت انصاف کے فیصلے کا خیرمقدم کیا ہے۔
تفصیلات کے مطابق صدر مملکت ڈاکٹر عارف علوی نے غزہ کی پٹی میں نسل کشی کے جرم کی روک تھام اور سزا سے متعلق عالمی عدالت انصاف (آئی سی جے) کے فیصلے کا خیرمقدم کرتے ہوئے کہا ہے کہ یہ ایک بہترین فیصلہ ہے۔
انہوں نے کہا کہ اسرائیل کو فوری طور پر غزہ میں معصوم شہریوں کی نسل کشی اور خونریزی کو روکنا ہوگا۔
صدر پاکستان نے آئی سی جے کے فیصلے کو سراہا جس میں اسرائیل کو غزہ میں فلسطینیوں کی جانب نسل کشی کنونشن کے تحت اپنی ذمہ داریاں پوری کرنے کا کہا گیا ہے۔
عالمی عدالت برائے انصاف نے نسل کشی کنونشن کے آرٹیکل کے دائرہ کار میں آنے والی تمام کارروائیوں کو روکنے کے لیے تمام اقدامات لینے اور غزہ میں فلسطینیوں کو فوری طور پر درکار بنیادی خدمات اور انسانی امداد کا کہا گیا ہے۔
صدر مملکت نے کہا کہ اس فیصلے نے اسرائیل کی جانب سے کی جانے والی غیر انسانی کارروائیوں اور بربریت کو بے نقاب کر دیا ہے۔
انہوں نے مزید کہا کہ اسرائیل نے خواتین، بچوں اور ہسپتالوں کو نشانہ بنا کر انسانیت کی تمام حدیں پار کر دی ہیں اور خوراک کے لیے قطار میں کھڑے لوگوں کو بھی نہیں چھوڑا۔
صدر مملکت عارف علوی نے عالمی برادری اور اقوام متحدہ کے دیگر اداروں بالخصوص سلامتی کونسل پر زور دیا کہ وہ غزہ میں فوری جنگ بندی کے لیے اقدامات کریں اور اسرائیل کو فلسطین میں مزید خونریزی سے روکیں۔
صدر مملکت نے جنوبی افریقہ کی نسل کشی کی کارروائیوں پر اسرائیل کو جوابدہ ٹھہرانے کے لیے عالمی عدالت انصاف میں لے جانے کے جرات مندانہ موقف کو سراہا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News