کرسٹیانو رونالڈو کا شمار دنیائے فٹبال کے دو موجودہ عظیم کھلاڑیوں میں ہوتا ہے۔

پرتگال سے تعلق رکھنے والے عظیم کھلاڑی نہ صرف اپنے بہترین کھیل بلکہ اپنے جشن کے مخصوص انداز کی وجہ سے بھی کافی شہرت رکھتے ہیں۔

ان کا گول کرنے کے بعد جشن کا مخصوص انداز ’سیو‘ (سیو پرتگالی زبان کا لفظ ہے جس کے معنی ’ہاں‘ ہیں) نہ صرف فٹبال کے مداحوں بلکہ دیگر کھیلوں کے مداحوں اور کھلاڑیوں  تک میں مقبول ہے۔

تاہم گزشتہ دنوں سعودی کلب النصر کی نمائندگی کرتے ہوئے رواں سال کا اپنا پہلا گول اسکور کرنے کے بعد رونالڈو نے نئے انداز میں جشن مناکر سب کو حیران کردیا۔

 کرسٹیانو رونالڈو کو دیکھ کر ایسا لگ رہا تھا جیسے وہ اپنے مشہور ’سیو‘ جشن کو منانے کے لیے کارنر کے جھنڈے کی طرف دوڑ رہے ہیں لیکن مداح ان کے بالکل نئے جشن سے حیران رہ گئے۔

رونالڈو نے چھلانگ لگائی لیکن اپنے ہاتھوں سے کراس بناتے ہوئے پھر انہیں پھیلانے کے بجائے اپنے ہاتھ سینے پر اس طرح رکھ لیے جس سے ایسا گمان ہونے لگا کہ انہیں آخر کار گول اسکور کرنے سے راحت ملی ہے۔

https://twitter.com/NoodleHairCR7/status/1758092155195728026

واضح رہے کہ 2001 میں پرتگال کی انڈر 17 نیشنل  ٹیم سے کیریئر کا آغاز کرنے والے کرسٹیانو رونالڈو  کے کیریئر کا یہ 1000واں کلب میچ  تھا۔

Cristiano Ronaldo played his 1000th club match 🐐 pic.twitter.com/L7iBDSbOER

— GOAL (@goal) February 14, 2024