لاہور: ڈیفنس میں رمضان کرکٹ ٹورنامنٹ کا انعقاد، محسن نقوی کی آمد

ویب ڈیسک

30th Mar, 2024. 07:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور: ڈیفنس میں رمضان کرکٹ ٹورنامنٹ کا انعقاد، محسن نقوی کی آمد

لاہور: ڈیفنس میں رمضان کرکٹ ٹورنامنٹ کا انعقاد کیا گیا جس میں چیئرمین پی سی بی محسن نقوی نے شرکت کی۔

لاہور کے علاقے ڈیفنس میں غنی انسٹیٹیوٹ آف کرکٹ میں رمضان کرکٹ ٹورنامنٹ کا انعقاد کیا گیا جس میں چیئرمین پاکستان کرکٹ بورڈ محسن نقوی نے شرکت کی۔

چیئرمین پی سی بی محسن نقوی کو رمضان ٹورنامنٹ میں حصہ لینے والے کھلاڑیوں نے پھول پیش کئے، چیئرمین پی سی بی محسن نقوی نے ٹیموں کے کھلاڑیوں سے مصافحہ کیا۔

چیئرمین پی سی بی نے غنی انسٹیٹیوٹ آف کرکٹ کے زیر اہتمام رمضان ٹورنامنٹ کا میچ دیکھا جب کہ محسن نقوی نے اچھے کھیل پر کھلاڑیوں کو داد دی۔

چیئرمین پی سی بی محسن نقوی کا کہنا تھا کہ اس طرح کے ٹورنامنٹ سے نیا ٹیلنٹ سامنے آئے گا، غنی انسٹیٹیوٹ آف کرکٹ کا رمضان ٹورنامنٹ کا انعقاد خوش آئند ہے۔

قومی کرکٹ ٹیم کے سابق بلے باز سلمان بٹ نے چیئرمین پی سی بی محسن نقوی کو ٹورنامنٹ کے حوالے سے بریف کیا۔

اس موقع پر سی سی پی او لاہور بلال کمیانہ، ڈائریکٹر ڈومیسٹک کرکٹ پی سی بی عبداللہ خرم نیازی اور دیگر حکام بھی موجود تھے۔