پی ایس ایل 9 کی فاتح اسلام آباد یونائیٹڈ کے کپتان شاداب خان نے ایوارڈ اور میڈل گھر والوں کو دے دیے۔
پاکستان سپر لیگ (پی ایس ایل) سیزن 9 کا فائنل گذشتہ روز اسلام آباد یونائیٹڈ اور ملتان سلطانز کی ٹیموں کے درمیان کراچی کے نیشنل اسٹیڈیم میں کھیلا گیا۔
اس میچ میں دو بار کی فاتح اسلام آباد یونائیٹڈ نے کامیابی اپنے نام کی جب کہ مسلسل چوتھی مرتبہ فائنل تک رسائی حاصل کرنے والی ملتان سلطانز اس سال بھی ٹرافی نہ اٹھاسکی۔
اسلام آباد یونائیٹڈ نے 2016 اور 2018 میں پی ایس ایل کا ٹائٹل اپنے نام کیا تھا جب کہ گذشتہ روز سنسنی خیز مقابلے کے بعد انہوں نے آخری گیند پر فتح حاصل کی ہے۔
میچ کے بعد اسلام آباد یونائیٹڈ کے کپتان شاداب خان کی اپنی اہلیہ کے ساتھ جشن منانے کی ویڈیو وائرل ہوئی جب کہ اس موقع پر انہوں نے اپنی والدہ سے بھی خوب پیار وصول کیا۔
ویڈیو میں دیکھا گیا ہے کہ شاداب خان نے اپنا ایوارڈ اہلیہ کو دیا جب کہ اپنا میڈل انہوں نے خود والدہ کو پہنچایا جس کے بعد والدہ نے انہیں گلے لگا کر پیار کیا۔
https://www.facebook.com/reel/3702180946734178
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News