وفاقی کابینہ کے اجلاس میں اسلام آباد ہائی کورٹ کے ججز کے خط پرتحقیقات کے لیے انکوائری کمیشن کی تشکیل کی منظوری دے دی گئی۔
وفاقی کابینہ کے اجلاس میں اسلام آباد ہائی کورٹ کے ججزکے خط پر تحقیقات کے لیے انکوائری کمیشن کی تشکیل کی منظوری دی گئی۔
ذرائع وفاقی کابینہ کا کہنا ہے کہ سپریم کورٹ کے ریٹائرڈ چیف جسٹس کمیشن کے سربراہ ہوں گے، سابق چیف جسٹس تصدق حسین جیلانی انکوائری کمیشن کے سربراہ ہوں گے۔ کابینہ اجلاس میں اسلام آباد ہائی کورٹ کے ججوں کے خط کا معاملہ زیرغورآیا۔
ذرائع کے مطابق انکوائری کمیشن کے ٹرمزآف ریفرنس اٹارنی جنرل اور وزیر قانون تشکیل دیں گے۔ اٹارنی جنرل چیف جسٹس آف پاکستان کو کابینہ کے فیصلے سے آگاہ کریں گے۔
وزیراعظم شہبازشریف نے وفاقی کابینہ کے اجلاس میں ویڈیولنک کے ذریعے اجلاس کی صدارت کی اورخطاب کیا۔
واضح رہے کہ وزیراعظم شہبازشریف اور چیف جسٹس پاکستان کے درمیان ملاقات میں انکوائری کمیشن کی تشکیل پر اتفاق کیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News