پاکستان اور نیوزی لینڈ کی ٹیموں کے درمیان ہونے والی ٹی ٹوئنٹی سیریز کے لیے میچ آفیشلز کا اعلان کردیا گیا۔
پاکستان کرکٹ بورڈ کی جانب سے پاک نیوزی لینڈ سیریز کے لیے میچ آفیشلز کے ناموں کا اعلان کیا گیا ہے، دونوں ٹیموں کے درمیان ٹی ٹوئنٹی سیریز 18 سے 27 کے دوران راولپنڈی اور لاہور میں کھیلی جائے گی۔
احسن رضا، علیم ڈار، آصف یعقوب، راشد ریاض اور فیصل آفریدی سیریز میں میچز کو سپر وائز کریں گے جب کہ زمبابوے کے اینڈی پائی کرافٹ آئی سی سی کے میچ ریفری کی حیثیت سے اپنے فرائض انجام دیں گے۔
میچ ریفری اینڈی پائی کرافٹ اس سیریز میں ذمہ داری نبھانے کے بعد سب سے زیادہ ٹی ٹوئنٹی انٹرنیشنل میچز میں میچ ریفریز کی فہرست میں دوسرے نمبر پر آجائیں گے۔
اس سے قبل اینڈی پائی کرافٹ 144 ٹی ٹوئنٹی انٹرنیشنل میچز میں ریفری کی ذمہ داریاں ادا کرچکے ہیں۔
واضح رہے کہ نیوزی لینڈ کے جیف کرو 175 ٹی ٹوئنٹی انٹرنیشنل میچز میں میچ ریفری کے فرائض انجام دے چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News