پاکستان کے سابق ٹیسٹ کرکٹر مشتاق احمد اور سہیل تنویر نے عماد وسیم اور محمد عامر کی واپسی کو خوش آئند قرار دے دیا ہے۔
قومی کرکٹ ٹیم کے سابق ٹیسٹ کرکٹر مشتاق احمد اور سہیل تنویر نے واشنگٹن میں ہونے والی تقریب میں شرکت کی۔
تقریب سے خطاب میں انہوں نے محمد عامر اور عماد وسیم کی پاکستان کرکٹ ٹیم میں واپسی کو خوش آئند قرار دیا۔
مشتاق احمد نے کہا کہ 92 کے ورلڈ کپ جیتنے کے بعد پاکستانی ٹیم نے بہت اچھی کارکردگی کا مظاھرہ کیا ہے ، فارن کوچ پاکستان کے لئے زیادہ موثر ثابت ہوتے ہیں۔
سہیل تنویر نے کہا کہ پاکستان کرکٹ سسٹم میں ایمانداری کی کمی ہے جب کہ دیانتداری سے ہم زیادہ بہتر ہوسکتے ہیں، اپنے بارے کچھ نہیں کہوں گا، وقت گزر گیا اور اللہ پاک نے جتنی کرکٹ میرے نصیب میں لکھی تھی کھیل چکا۔
سہیل تنویر نے مزید کہا کہ امریکہ میں پاکستانی محنت اور لگن سے ٹیم میں جگہ بناسکتے ہیں جب کہ جون میں امریکہ میں ورلڈ کپ کے میچز میں پاکستانی ٹیم بہتر کارکردگی کا مظاہرہ کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News