پارلیمنٹ کا مشترکہ اجلاس کل شام چاربجے ہوگا، ذرائع کا کہنا ہے کہ اپوزیشن جماعتوں نے کل پارلیمنٹ کے مشترکہ اجلاس میں احتجاج کا فیصلہ کیا ہے۔
ذرائع کا کہنا ہے کہ پی ٹی آئی سنی اتحاد کونسل ایم ڈبلیو ایم سمیت اپوزیشن جماعتیں احتجاج کرینگی، اپوزیشن جماعتیں صدرمملکت کے خطاب کےدوران شور شرابہ و احتجاج کرینگی۔
مبینہ انتخابی دھاندلی، مہنگائی کے خلاف، آئین کی بالادستی کےلئے احتجاج ہوگا۔ اپوزیشن جماعتوں کے ارکان کو پارلیمنٹ کے مشترکہ اجلاس میں حاضری یقینی بنانے کی ہدایات کی گئی ہے کہ تمام ارکان ایوان میں موجود رہیں۔ پارلیمنٹ کےمشترکہ اجلاس میں ارکان پلے کارڈزلیکر آئیں گے۔
اپوزیشن جماعتوں نے فیصلہ کیا کہ حکومت کو کل اجلاس میں شدید ٹف ٹائم دیا جائے گا، احتجاج کے بعد پارلیمنٹ کے مشترکہ اجلاس سے واک آوٹ کا فیصلہ موقع پرہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News