غلط نام سے پکارے جانے والے انگلش ٹیم کے کپتان جوز بٹلر نے اب اپنا نام جوش بٹلر رکھ لیا ہے۔
انگلش کرکٹ بورڈ نے جوز بٹلر کی منفرد ویڈیو سماجی رابطے کی سائٹ ایکس پر جاری کی جس میں انہوں نے اپنا نام ہمیشہ کے لیے تبدیل کرکے جوش بٹلر رکھنے کا اعلان کیا۔
انگلش کپتان جوش بٹلر نے کہا کہ مجھے ساری زندگی غلط نام سے پکارا جاتا رہا ہے لیکن 13 سال ملک کی نمائندگی کرنے اور دو ورلڈ کپ جیتنے کے بعد میں نے اس مسئلے کا حل نکال لیا ہے۔
انہوں نے بتایا کہ غلط نام پکارنے والوں میں میری والدہ بھی شامل ہیں جب کہ مجھے ہر موقع پر ہی غلط نام سے پکارا جاتا رہا ہے۔ انہوں نے اعلان کیا کہ اب میں باقاعدہ طور پر جوش بٹلر ہوں۔
واضح رہے کہ جوش بٹلر نے 57 ٹیسٹ، 181 ون ڈے اور 114 ٹی ٹوئنٹی میچز میں اپنی ٹیم کی نمائندگی کرتے ہوئے 10 ہزار 856 رنز اسکور کیے ہیں جس میں ان کی 14 سنچریاں اور 66 نصف سنچریاں شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News