سرفراز احمد نے محمد رضوان کو خود سے بہتر وکٹ کیپر قرار دے دیا۔
پاکستان کرکٹ ٹیم کے سابق کپتان اور وکٹ کیپر بلے باز سرفراز احمد نے نجی ٹی وی کے خصوصی عید شو میں گفتگو کرتے ہوئے کہا کہ محمد رضوان کو اب میں خود سے زیادہ بہتر اور اچھا وکٹ کیپر سمجھتا ہوں‘۔
انہوں نے کہا کہ جب کسی کھلاڑی کو موقع ملے تو اُس کی کارکردگی میں نکھار آتا رہتا ہے اور خاص طور پر جب انٹرنیشنل میچز میں لگاتار موقع مل رہا ہو تو پرفارمنس بہت بہتر ہوجاتی ہے۔
قومی کرکٹ ٹیم کے مستقبل کے وکٹ کیپر کے حوالے سے سرفراز احمد کا کہنا تھا کہ پاکستان کے پاس اعظم خان سمیت کئی بہترین وکٹ کیپر بلے باز موجود ہیں۔
انہوں نے تمام نوجوان کھلاڑیوں کو مستقل محنت کرنے اور نتیجہ قسمت پر چھوڑنے کا مشورہ دیتے ہوئے یہ بھی کہا کہ ابھی میں نے ہمت نہیں ہاری ہے اور انشاء اللہ کرکٹ کھیلتا رہوں گا۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
