وسطی چین کے صوبہ ہینان کے شہر لوویانگ میں دنیا کی سب بڑی لالٹین کی رونمائی کر دی گئی ہے جسے پیونی پویلین کے خوبصورت باغ کی زینت بنایا گیا ہے۔
واضح رہے کہ رواں برس یعنی 2024 ڈریگن کا سال ہے، جبکہ چین کا شہر لوویانگ ماضی میں ایک خاص اہمیت کا حامل رہا ہے اور یہ ایک وقت تک چینی تہذیب میں 13 خاندانوں کا ایک قدیم دارالحکومت، جبکہ اس علاقے کا علامتی پھول پونی تھا۔
چین میں موسم بہار کی آمد کے ساتھ ہی لوویانگ کے میلے کا آغاز ہوگیا ہے اور اسی دوران، چین میں تاریخی پیونی پویلین میں ایک دیوہیکل پیونی پھولوں کی لالٹین سجا دی گئی ہے جس نے دنیا کی سب سے بڑی لالٹین کا گنیز ورلڈ ریکارڈ کا ٹائٹل اپنے نام کر لیا ہے۔
اس زبردست پیونی لالٹین کی لمبائی 45.03 میٹر، چوڑائی 19.7 میٹر، اونچائی 24.84 میٹر، اوروزن 45 ٹن ہے جو کہ کسی بھی فائر انجن سے زیادہ ہے۔
لالٹین 8 منزلہ عمارت کی اونچائی کے برابر ہے جبکہ اس کی چوڑائی 100 کھڑے ہوئے بالغ افراد کی لمبائی کے برابر ہے، اور اس میں روشنی کے لیے 53,000 سے زیادہ مختلف آلات نصب ہیں۔
یہ خوبصورت شاہکار 200 ماہر کاریگروں نے ہاتھ سے تیار کیا ہے، جو شہر کے سرکاری پھول سے مشابہت رکھتا ہے۔جس میں 36 پنکھڑیوں کو جوڑ کر پونی پھول کی شکل دی گئی ہے۔
لالٹین کے بڑے سائز کی وجہ سے، اس کی تعمیر میں کافی مشکلات پیش آئیں ایک بیرونی پنکھڑی کا وزن 800 کلوگرام ہے، جس کی لمبائی 10 میٹر (32 فٹ 9 انچ) سے زیادہ ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News