یہ بات بہت کم لوگ جانتے ہیں کہ خواتین کے حسن کا راز ان کے باورچی خانے میں ہی چھپا ہوتا ہے۔ بس ان چیزوں کے درست استعمال کے بارے میں جاننے کی ضرورت ہے۔

چکنی جلد کیلئے پودینے کا ماسک 

جن خواتین کی جلد چکنی اور چہرے پر دانے ہوتے ہیں وہ پودینے کا استعمال کرتی ہیں۔ پودینے کی تاثیر ٹھنڈی اور اینٹی بیکٹیریل ہوتے ہیں جس کی وجہ سے یہ دانے کم کر کے جلد کو ٹھنڈک بخشتا ہے۔ چکنائی جذب کر کے رنگت بھی نکھارتا ہے۔

کچا دودھ

نہانے سے پہلے کچے یا پھر پھٹے ہوئے دودھ کا مساج بالوں کی چمک بحال کرتا ہے اور ان کی جڑیں مضبوط بناتا ہے۔

نمک سے جلد کا حسن بڑھائیں

جسم پر روزانہ لاکھوں بلکہ کروڑوں کی تعداد میں خلیات ٹوٹتے ہیں اور نئے بنتے ہیں۔ مردہ خلیات جلد کے اوپر میلے پن کا تاثر دیتے ہیں۔ سمندری نمک ان خلیات کو نکالنے کے لئے بہترین ہے۔

منہ دھونے سے پہلے ہفتے میں دو بار ذرا سے سمندری نمک سے جلد کی صفائی کریں۔ اس کی اینٹی بیکٹیریل خصوصیات چہرے کو صاف ستھرا کردیں گی۔

رنگت نکھارنے اور حلقے دور کرنے کے لئے

آلو کا رس حلقے دور کرنے کے لیے بہترین سمجھا جاتا ہے۔ آلو کو پتلا کاٹ کر آنکھوں پر رکھیں اس سے آنکھوں کے گرد سیاہ جلد اور تھکن دور ہوگی۔

رنگت نکھارنے کے لئے آلو کے رس کا مساج چہرے اور ہاتھ پاؤں پر کریں۔