چہرے پر جھائیاں یا جھریاں ہوں، یا پھر انکھوں کے گرد  ہلکے ان سب ہی کو آپ بہت آسان اور سستے طریقے سے دور کر سکتے ہیں، وہ بھی صرف کیلوں کے چھلکوں سے۔

اس آرٹیکل میں جانتے ہیں کہ کیسے صرف کیلے کے چھلکوں کو استعمال کرکے ہم چہرے کے حسن میں کسی بھی قسم کے خرچے کے بغیر اضافہ کر سکتے ہیں۔

کیلے کے چھلکوں کے حیرت انگیز فوائد

• کیلے کا چھلکا لیں اسے چہرے پر خوب اچھی طرح رگڑیں، اس سے آپ کی جلد صاف ہوگی، اور کھلے مسام اور گڑھیں دور ہوں گے۔

• کیلے کے چھلکے پر چینی کا پاؤڈر چھڑک کر اس سے چہرے کا آہستہ آہستہ اسکرب کریں، گہرائی سے جلد صاف ہوگی، مساموں سے گندگی دور ہوگی، رنگت نکھرے گی اور دھبے دور ہوں گے۔

• ایک کیلے کا چھوٹا سا ٹکڑا کاٹیں، اس کو انڈے کی زردی میں ڈپ کریں، اب اس کو آنکھوں پر رکھ لیں، اس سے آنکھوں کے گرد موجود سیاہ ہلکے باآسانی دور ہوں گے۔

• کیلے کے چھلکے کا ایک ٹکڑا لیں، اسے دانتوں پر روزانہ 3 منٹ تک ملیں دانت چمک جائیں گے۔

• اگر آپ کے چمڑے کے جوتوں پر نشانات پڑ گئے ہیں تو اس پر کیلے کا چھلکا رگڑیں نشانات اور دھبے دور ہو جائیں گے۔

• جسم کے کسی حصے پر چوٹ لگنے کے بعد کھرنٹ جم گئی ہے، تو اسے بنا درد کے دور کرنے کے لئے اس پر کیلے کا چھلکا رگڑیں، اور آدھے گھنٹے کے لئے اس سے لپیٹ کر رکھیں، چوٹ پر جمنے والی کھرنٹ نکل آئے گی۔

• اگر آپ اپنی جلد کو نرم و ملائم اور چمکدار بنانا چاہتے ہیں تو کیلے کے چھلکے پھینکنے کے بجائے اس سے جلد کا مساج کریں۔

• چہرے سے دانے اور دھبے دور کرنا چاہتے ہیں تو کیلے کے چھلکوں سے چہرے کا آہستہ آہستہ مساج کریں، دانے دور ہو جائیں گے۔