مردوں کے ٹینس کا اب تک کا سب سے عظیم کھلاڑی کون ہے؟ اس پر بحث اس وقت شروع ہوئی جب نوواک جوکووچ نے رافیل نڈال کے 22 گرینڈ سلیم فتوحات کا ریکارڈ برابر کر دیا۔کچھ لوگوں کے مطابق اپنی 10 ویں آسٹریلین اوپن جیت کے ساتھ سرب کھلاڑی نے آخرکار یہ بات ثابت کردی ہے۔

یقینی طور پر، راڈ لیور ایرینا میں ان کے شکست خوردہ مخالف متفق ہیں۔ اسٹیفنوس سٹسیپاس نے 6-3، 7-6 (7/4)، 7-6 (7/5) سے ہارنے کے بعد کہا، ’’وہ بلاشبہ ٹینس کھیلنے والے سب سے عظیم کھلاڑی ہیں۔‘‘

یہ ناگزیر لگتا ہے کہ جوکووچ، جنہوں نے اتوار کو فائنل میں اپنی شاندار فتح کے ساتھ دوبارہ دنیا میں سرفہرست مقام حاصل کیا، مزید سلیم جیتنے کے لیے آگے بڑھیں گے۔

وہ 35 سال کی عمر میں اپنے اہم حریف نڈال سے ایک سال چھوٹے ہیں اور میلبورن میں ابتدائی طور پر ہیمسٹرنگ کی تکلیف کے علاوہ، وہ بہت اچھی جسمانی شکل میں دکھائی دیتے ہیں۔

اس کے برعکس، نڈال کے زخمی جسم نے آسٹریلین اوپن میں ایک بار پھر ہار مان لی، اور ہسپانوی کھلاڑی دوسرے راؤنڈ میں شکست کے بعد باہر ہو گئے۔ اس شکست نے ان کا ٹائٹل کے دفاع کا موقع ختم کر دیا اور وہ کولہے کی چوٹ کے بعد شدید درد کے ساتھ ایونٹ سے باہر ہو گئے۔

’بگ تھری‘ میں سے تیسرے راجر فیڈرر جو گزشتہ 15 سالوں سے مردوں کی ٹینس پر چھائے ہوئے ہیں، گزشتہ سال 20 گرینڈ سلیم ٹائٹلز کے ساتھ ریٹائر ہوئے۔

فیڈرر بہت سے لوگوں کی نظروں میں ہمیشہ ’عوام کا چیمپئن‘ رہے گا کیونکہ اس نے شاندار انداز میں کھیلا، لیکن یہ جوکووچ ہی ہے جو مردوں کے بڑے اعزازات کی ریکارڈ تعداد کے ساتھ سب کو پیچھے چھوڑنے کے لیے پرعزم نظر آتا ہے۔

’’محسوس کریں‘‘

ایسا لگتا ہے کہ جوکووچ درد پر پروان چڑھتے ہیں اور مشکلات کو ختم کرتے ہیں۔

دو سال قبل انہوں نے پیٹ کے پٹھے پھٹنے کے باوجود آسٹریلیا میں کامیابی حاصل کی تھی، اس سال ہیمسٹرنگ کی وجہ سے انہیں میچوں کے درمیان پریکٹس نہیں کرنے دی گئی۔جوکووچ پہلے ہی 23 یا 24 سلیم فتوحات حاصل کر چکے ہوتے اگر وہ کوویڈ ویکسی نیشن لینے سے انکار نہ کرتے، جس کی وجہ سے انہیں ایک سال قبل آسٹریلیا سے ملک بدر کیا گیا تھا اور یو ایس اوپن میں مقابلہ کرنے سے روک دیا گیا تھا۔

جوکووچ نے گزشتہ سال ومبلڈن چیمپئن شپ میں نک کرگیوس کو شکست دی تھی، انہوں نے اتوار کو ٹویٹ کیا، ’’ہاہا، میں نے کہا تھا، ہم نے ایک عفریت پیدا کیا ہے۔ میں نے اپنے صوفے پر بیٹھ کر پورا شو دیکھا ہے۔ سب کچھ اچھی طرح محسوس کریں۔‘‘دریں اثنا، راجر فیڈرر نے اتوار کو 10 ویں آسٹریلین اوپن اور ریکارڈ کے برابر 22 ویں گرینڈ سلیم ٹائٹل جیتنے میں نوواک جوکووچ کی ’ناقابل یقین کوشش‘ کی تعریف کی۔

20 میجرز جیتنے والے ریٹائرڈ فیڈرر نے انسٹاگرام پر ایک مختصر پیغام میں لکھا، ’’ایک بار پھر ناقابل یقین کوشش! بہت بہت مبارک ہو۔‘‘

36 سال کی عمر میں، نڈال اپنی حالیہ چوٹ پر قابو پانے کے قابل ہو سکتے ہیں اور مئی میں رولینڈ گیروس کے کلے کورٹ پر دوبارہ جیتنے کا حوصلہ بھی حاصل کر سکتے ہیں۔

اگرچہ وہ حال ہی میں باپ بنے ہیں اور چونکہ زیادہ تر لوگ ان پر زور دے رہے ہیں کہ وہ اپنے جسم کو اذیت دینا بند کر دیں۔ اس لیے ممکن ہے کہ وہ بہت جلد ٹینس کو خیرباد کہنے کا فیصلہ کریں۔ایک نظریہ یہ بھی ہے کہ وہ اس سال کے فرینچ اوپن کو جیتنے کے بعد ایسا کر سکتے ہیں۔

یہ ان کا پسندیدہ ٹورنامنٹ ہے اور 15 ویں فرینچ ٹائٹل کے ساتھ اپنے ٹینس کے سفر کو ایک خوشگوار یاد کے ساتھ ختم کرنا چاہیں گے۔

پولرائزنگ

جوکووچ بڑھتی عمر کے ساتھ بہتر ہوتے دکھائی دیتے ہیں اور نوجوان ٹیلنٹ کی ’’اگلی نسل‘‘ ابھی بھی پانچ سیٹوں سے زیادہ ان کے قریب نہیں جا پارہی ہے۔

ان کے کوچ گوران ایوانیسویک کا خیال ہے کہ ان کے سرفہرست رہنے کے کچھ اور سال باقی ہیں اور مزید سلیم بھی ضرور جیتیں گے۔

ایوانیسویک نے اتوار کے فائنل کے بعد صحافیوں سے بات کرتے ہوئے کہا، ’’یقینی طور پر دو، تین سال اور۔ جس طرح سے وہ اپنے جسم کی دیکھ بھال کر رہا ہے، جس طرح سے وہ ہر ہدف تک پہنچتا ہے اور اس کا کھانا، یہ حیرت انگیز ہے۔ یہ سطح ناقابل یقین ہے۔‘‘

اس حقیقت کے باوجود کہ جوکووچ نے کسی اور کے مقابلے زیادہ گرینڈ سلیم ٹورنامنٹ جیتے ہیں، کچھ ٹینس شائقین کو ہمیشہ انہیں بہترین کے طور پر پہچاننے کے لیے قائل کرنے کی ضرورت ہوگی۔

ان کی رائے تقسیم ہے، جب کہ فیڈرر اور نڈال کو ان کی ٹینس کورٹ کے اندر اور باہر کی شخصیات کی وجہ سے سبھی سراہتے ہیں۔

ایسے لوگ بھی ہیں جو جوکووچ کے بارے میں سوچتے ہوئے بہت زیادہ حساب کتاب کرتے ہیں۔

تنازعات کبھی ختم نہیں ہوتے

پچھلے سال یہ کوویڈ ویکسی نیشن سے انکار کا تنازع تھا۔ اس سال ان کے والد سردجان ایک پرستار کے ساتھ روسی جھنڈا اٹھائے ہوئے تھے جس میں ولادیمیر پوتن کا چہرہ نمایاں تھا۔

اس سے پہلے، ناقدین نے دعویٰ کیا تھا کہ 2020ء کےیو ایس اوپن میں ان کا کردار اس وقت بے نقاب ہوا جب جوکووچ نے ایک متنازع ڈیفالٹ میں ایک خاتون لائن جج سے ٹکرانے والی گیند کو پُرجوش طریقے سے سوائپ کیا۔

تاہم، جوکووچ کے حامیوں کا دعویٰ ہے کہ یہی خوبیاں انہیں کامیابی کی طرف راغب کرتی ہیں۔

پچھلے سالوں کے برعکس، اس سال جوکووچ نے تنازعات کے بارے میں کھل کر بات کی، جس سے ظاہر ہوتا ہے کہ وہ ان سے واضح طور پر متاثر ہوئے ہیں۔

جب انہوں نے یہ فیصلہ کیا کہ ان کے والد انہیں تماشائی کی حیثیت سے آسٹریلین اوپن جیتتے ہوئے نہیں دیکھیں گے تو انہوں نے کہا، ’’اس سے مجھے اور انہیں تکلیف پہنچتی ہے۔‘‘

اسی وجہ سے جوکووچ نے جذباتی ہو کر اعلان کیا کہ ’’اتوار کی جیت میری زندگی کی سب سے بڑی فتح تھی۔‘‘

گرینڈ سلیم کے اعدادوشمار درست ہیں۔ لیکن اس سے بھی بڑا کارنامہ یہ ہوگا کہ تمام ٹینس شائقین انہیں ’’عظیم ترین کھلاڑی‘‘ کے طور پر تسلیم کر لیں۔