وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے سما جی را بطے کی ویب سا ئٹ ٹو ئٹر پراپنی ٹو ئٹ میں کہا ہے کہ وزیر اعظم عمران خان کے دورہ امریکہ کے مثبت نتائج آنا شروع ہو گئے ہیں، امریکہ نے پاکستان کے ایف سولہ طیاروں کیلئےتکنیکی اور لاجسٹک سپورٹ کا اعلان کردیا ہے۔

وزیر اعظم عمران خان کے دورہ امریکہ کے دورے کے مثبت نتائج آنا شروع امریکہ نے پاکستان کے ایف سولہ طیاروں کیلئےتکنیکی اور لاجسٹک سپورٹ کا اعلان کردیا ہے ۔طیاروں کیلئے 125 ملین ڈالر کی سپورٹ فراہم کی جائے گی ۔

— Dr. Firdous Ashiq Awan (@Dr_FirdousPTI) July 27, 2019

فردو س عا شق نے کہا کہ طیاروں کیلئے 125 ملین ڈالر کی سپورٹ فراہم کی جائے گی، دورہ امریکہ دونوں ممالک میں دو طرفہ تعلقات کے فروغ، معاشی تعاون بڑھانے میں سنگ میل اور خطے میں مثبت ماحول پیدا کرنے میں مددگار ثابت ہو گا، پوری دنیا نے وزیراعظم کے موقف کی تائید کی ہے۔

معاون خصوصی کا کہنا ہے کہ وزیراعظم عمران خان کی قیادت میں پاکستان درست سمت میں نئی منزلوں کی جانب گامزن ہے، ملکی معیشت کی مضبوطی،قومی ترقی اور اصلاحات کا عمل تبدیلی لا رہا ہے، ایف سولہ طیاروں کے لیے امریکہ کی جانب سے تکنیکی اور لاجسٹکس سپورٹ کا اعلان پاکستان کی ایک بڑی کامیابی ہے۔

فردوس عا شق نے مزید کہا کہ یہ اعلان پلوامہ کے بعد بھارتی پراپیگنڈے کی ہار اور ہمارے اصولی موقف کی جیت ہے۔