نجی یونیورسٹی کے وائس چانسلر کی ایک اور جعل سازی کا معاملہ بول نیوز کی نشاندہی پر سامنے آگیا۔

تفصیلات کے مطابق جامعہ کراچی شعبہ پبلک ایڈمنسٹریشن ڈپارٹمنٹ کے پی ایچ ڈی انٹری ٹیسٹ سے ایک روز قبل ہی امیدواروں کی فہرست میں ردو بدل کر کے نئی فہرست جاری کردی گئی ہیں۔

پرانی فہرست میں ایک نجی یونیورسٹی کے وائس چانسلر کا نام موجود تھا جس کی نشاندہی بول نیوز کی جانب سے کی گئی تھی جو کہ نجی یونیورسٹی میں جعلی ڈگری کی بنیاد پر وائس چانسلر کے عہدے پر فائز ہیں۔

بول نیوز کی نشاندہی کے بعد امیدواروں کی فہرست میں ردو بدل کر دیا گیا اور وائس چانسلر کے نام کی جگہ اب ایک طالبہ کا نام فہرست میں موجود ہے جبکہ وائس چانسلر کے بھائی کا نام دونوں لسٹوں میں ایک ہی سیٹ نمبر پر موجود ہے۔

واضح رہے کہ نجی جامعہ کے وائس چانسلر جعلی ڈگری کے بعد اصل ڈگری کے حصول کے لیے بھی شارٹ کٹ کا راستہ اختیار کرتے ہوئے جامعہ کراچی میں اتوارکے روز ہونے والے پی ایچ ڈی کے ٹیسٹ میں نجی جامعہ کے وائس چانسلر اپنے سگے بھائی کے ہمراہ ٹیسٹ دینگے۔

جبکہ نجی جامعہ کے وائس چانسلرکا نام اور رول نمبرلسٹ میں شامل ہے مگر امتحان میں جعلی امیدار کوبٹھایاجائے گا۔