چیئرمین فیڈرل بورڈ شبرزیدی نے طبی بنیادوں پر طویل رخصت پر جانے کا فیصلہ کرلیا ہے۔
تفصیلات کے مطابق ڈاکٹروں نے شبرزیدی کو آرام کا مشورہ دیا ہے اور وہ 3 فروری سے رخصت پر جائیں گے۔
سابق وزیراعظم ضمانت کی درخواست کیلئے رضا مند
ذرائع کے مطابق اس سے قبل بھی چیئرمین ایف بی آر رواں ماہ 6سے 19جنوری تک خراب صحت کے سبب رخصت پر تھے جبکہ ان کی جگہ 22ویں گریڈ کا افسر قائم قام چیئرمین کے فرائض انجام دے رہا تھا۔
ذرائع کے مطابق شبرزیدی ایک ہفتے سے دفتر نہیں آرہے اور نہ 21 جنوری کے بعد کسی معاملے پر کارروائی آگے بڑھائی ہے۔
خبریں گردش کر رہی ہیں کہ چیئرمین ایف بی آر کی عدم دلچسپی کے سبب ادارے میں غیریقینی پائی جارہی ہے کہ وہ کام جاری رکھیں گے یا نہیں۔
ذرائع کے مطابق چیئرمین ایف بی آر اور مشیر خزانہ عبدالحفیظ شیخ کے اختلافات شدت اختیار کرگئےہیں ،محصولات کے ہدف میں شارٹ فال پر چیئرمین ایف بی آر اور مشیر خزانہ میں اختلافات بڑھے۔
آئی ایم ایف وفد کے دورے کے موقع پر چیئرمین ایف بی آر چھٹی لے رہے ہیں،جبکہ چیئرمین ایف بی آر ٹیکس محصولات کے ہدف میں مزید کمی کروانا چاہتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News