وادی نیلم میں برفانی تودےکے ملبےمیں دبی بارہ سالہ لڑکی کو باحفاظت نکل لیاگیا۔
تفصیلات کے مطابق آزاد کشمیر کے علاقے نیلم وادی میں شدید برفباری کے باعث گھر پر تودہ گرنے کے بعد امدادی سرگرمیوں میں مصروف ریسکیو ٹیموں نے ملبے سے 12 سالہ ثمینہ کو 18 گھنٹے بعد زندہ نکال لیا ۔
ریسکیو ٹیموں کی جانب سے زندہ بچ جانے والی لڑکی کومظفرآبادکے اسپتال منتقل کردیا گیا ہے۔
وادی نیلم کے گائوں بکوالی کے اسی مکان کے ملبے میں دب کر ثمینہ کا ایک بھائی اور بہن جاں بحق ہوگئے ۔
بارہ سالہ ثمینہ نے اذیت ناک واقعےکو یاد کرتے ہوئےخبرنیوز ایجنسی کو بتایا کہ وہ کیسے ملبے میں چیخیں مار رہی تھی اور مدد کیلئے پکار رہی تھی۔
Advertisement
ثمینہ کا مزید کہنا تھا کہ اس نے کبھی بھی یہ نہیں سوچا تھا کہ وہ زندہ بچ جائے گی۔ اس موقع پر لڑکی کی والدہ شہناز بی بی کاکہناتھا کہ میری بیٹی کا زندہ ملنا کسی معجزے سے کم نہیں ۔
امدادی ٹیم کا کہناتھا کہ جب ثمینہ کو ملبے سے نکالا گیا تو اس کی ٹانگ زخمی جبکہ منہ سے خون بہہ رہا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
کومنٹس کریں
Advertisement
