وزیراعظم سے ملاقات میں متحدہ قومی موومنٹ اور پی ٹی آئی کے اختلافات دور ہوگئے ۔
تفصیلات کے مطابق وزیراعظم ہاؤس آمد پر عمران خان نے خالد مقبول کا خیر مقدم کیا، دونوں رہنماؤں کے درمیان ملاقات میں کئی معاملات زیرغور آئے جن میں ایم کیوایم کے مطالبات اور تحفظات شامل تھے۔
ذرائع کے مطابق وزیراعظم نے وفاقی وزیر انفارمیشن ٹیکنالوجی (آئی ٹی) خالد مقبول کا استعفیٰ منظور نہیں کیا، خالد مقبول صدیقی نے وزارت کا چارج واپس لے لیا۔
وزیراعظم سندھ میں ترقیاتنی منصوبوں کی تکمیل کی بھی یقین دہانی کرا گئے اس سے قبل عمران خان کی زیر صدارت سندھ کے ترقیاتی منصوبوں سے متعلق اہم اجلاس ہوا بھی جس میں وزیر منصوبہ بندی اسد عمر بھی شریک ہوئے۔ کراچی کے ترقیاتی منصوبوں میں پیش رفت کا جائزہ لیا گیا جبکہ سندھ کے لیے فنڈز کی فراہمی سے متعلق معاملات پر مشاورت کی گئی۔
واضح رہے کہ رواں سال جنوری میں کو ایم کیو ایم پاکستان کے کنوینر نے کراچی میں پریس کانفرنس کے دوران اپنی وزارت چھوڑنے کا اعلان کیا تھا۔
خالد مقبول صدیقی کا کہنا تھا کہ ہمارے ایک بھی نکات پر پیش رفت نہیں ہورہی، اب وزارت میں بیٹھنا بے سود ہے، تاہم حکومت سے تعاون جاری رکھیں گے۔
خالد مقبول کے استعفے کے بعد وفاقی حکومت وزیراعظم عمران خان اور تحریک انصاف کی قیادت نے بھاگ دوڑ شروع کردی تھی۔
وزیراعظم کی ہدایت پر گورنر سندھ عمران اسماعیل نے ایم کیوایم کے رہنماؤں فیصل سبزواری اور خواجہ اظہار الحسن سے رابطہ کرکے تحفظات دور کرنے کی یقین دہانی کرائی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News