خیبر پختونخواہ میں واقع قصبہ کولاچی  میں سڑک کنارے نصب بم دھماکے میں پولیس کی ایک گاڑی کو نشانہ بنایا گیا، جس میں ایک پولیس اہلکار ہلاک اور 3  افراد زخمی ہوگئے۔

پاکستان کے صوبہ خیبر پختونخواہ کے شہر ڈیرہ اسماعیل خان میں پولیو مہم کے دوران پولیس موبائل کے قریب دھماکے کے نتیجے میں ایک اہلکار جاں بحق جب کہ 2 زخمی ہوگئے۔

یہ حملہ پاکستان میں پولیو کے خلاف مہم کے دوبارہ آغاز کے موقع پر کیا گیا۔ پاکستان میں پولیو مہم کو مختلف مواقع پر نشانہ بنانے کی کارروائیاں سامنے آتی رہی ہیں جن کے باعث سیکیورٹی فورسز، پولیو عملے اور شہریوں کی جانوں کا نقصان ہوتا رہا ہے۔

پولیو سے بچاؤ کی مہم کا آغاز

ضلعی پولیس حکام کے مطابق ابتدائی تحقیقات کے مطابق پولیس موبائل کو سڑک کنارے پہلے سے نصب بارودی مواد کے ذریعے نشانہ بنایا گیا ہے، جاں بحق ہونے والے ہیڈ کانسٹیبل کا نام ریاض جب کہ زخمیوں میں ہیڈ کانسٹیبل شکیل اور ڈرائیور عطاء اللہ شامل ہیں۔

علاقے کو ہر قسم کی آمد و رفت کے لئے بند کر دیا گیا جب کہ سیکورٹی فورسز کی جانب سے سرچ آپریشن بھی جاری ہے۔

واضح  رہے  کہ  پاکستان ، افغانستان اور نائیجیریا دنیا کے واحد تین ممالک ہیں جہاں پولیو کا مرض عام   ہے۔ پاکستان نے 2018 میں ملک کو پولیو سے پاک بنانے کی امید کی تھی لیکن پولیو کے نئے معاملات میں اچانک اضافے کی وجہ سے وہ ہدف پورا نہیں کرسکا۔

جنوری سے اب تک پاکستان میں پولیو کے 17 نئے کیس رپورٹ ہوئے ہیں۔