پولیو سے بچاؤ کی مہم کا آغاز

شبین رضا

17th Feb, 2020. 10:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیو سے بچاؤ کی مہم کا آغاز

ملک بھر میں پولیو سے بچاؤ کی پانچ روزہ مہم آج سے شروع کردی گئی ہے۔

تفصیلات کے مطابق پنجاب، سندھ، بلوچستان اور خیبرپختونخوا سمیت ملک بھر میں پولیو سے بچاؤ کی مہم شروع ہوگئی ہے جس کا مقصد لاکھوں بچوں کو اپاہج ہونے سے بچانے کے لیے پولیو کے قطرے پلانا ہے۔

ذرائع کے مطابق17 سے 21 فروری تک جاری رہنے والی مہم میں لاکھوں پاکستانی بچوں کو اپاہج ہونے سے بچانے کے لیے پولیو کے قطرے پلائیں جائیں گے۔

پنجاب انسداد پولیو پروگرام کی جانب سے جاری ہینڈ آؤٹ کے مطابق مہم میں 95 ہزار سے زائد ورکرا حصہ لے رہے ہیں، مہم میں ایک کروڑ 94 لاکھ سے زائد بچوں کو پولیو سے بچاؤ کی خوراک دی جائیگی۔

بلوچستان کے دو اضلاع سبی اور ہرنائی میں مہم سبی میلےکی وجہ سے مؤخر کر دی گئی ہے۔

انسداد پولیو پروگرام کے مطابق پولیو مہم کی کامیابی کے لیے مختلف گزرگاہوں، اسپستالوں، ریلوے اسٹیشنز، ہوائی اڈوں اور بین الصوبائی داخلی راستوں پر ٹیمیں تعینات کر دی جائیں گی۔

خیبرپختون خوا کے ضلع بنوں میں پولیو مہم کے دوران 2 لاکھ 38 ہزار 604 بچوں کو پولیو کے قطرے پلائے جائیں گے، اس موقع پر سیکیورٹی کے لیے 906 پولیس اہلکار تعینات کئے گئے ہیں ۔

انچارج پولیو پروگرام اندس ارشاد کے مطابق پولیو کا انسداد حکومت کی ترجیحات میں شامل ہے۔ پنجاب بین الصوبائی آبادیوں کا گڑھ ہے، جس کی وجہ سے دوسرے صوبوں سے وائرس باآسانی یہاں منتقل ہو جاتا ہے۔

والدین کو گھر گھر آنے والی ٹیموں سے بھرپور تعاون کرنے کی اپیل کرتے ہوئے انہوں نے کہا کہ پولیو وائرس کے خلاف مکمل مدافعت کے لیے پولیو ویکسین کی متعدد خوراکوں کی ضرورت ہوتی ہے۔