ترکی کے صدر رجب طیب ایردوان آج پاکستان کے دو روزہ دورے پر اسلام آباد پہنچ رہے ہیں۔

صدر رجب طیب ایردوان کے ہمراہ کے آنے والی اعلیٰ سطحی بڑے وفد میں ترک کابینہ، سینئر سرکاری حکام اور ترک کمپنیوں کے سربراہان شامل ہیں۔

صدر اردوان چودہ فروری کو پارلیمنٹ کے مشترکہ اجلاس سے خطاب کریں گے۔

طیب ایردوان کے استقبال کے لیے سڑکوں پر بینرز آویزاں کردیئے گئے، وزیراعظم عمران خان نور خان ائیربیس پر ترک صدر کا استقبال کریں گے۔

ترک ایڈوانس سیکیورٹی ٹیم کی مشاورت سے سیکیورٹی پلان بھی تیار کر لیا گیا ہے۔

ترک صدر کے دورے کے موقع پر پاکستان اور ترکی کے درمیان اہم ترین معاہدوں کی یادداشتوں پر دستخط ہوں گے، ان معاہدوں میں اسٹریٹیجک اکنامک فریم ورک ،پلان آف ایکشن، سرمایہ کاری، تعلیم، دفاع اور اقتصادی شعبوں سمیت باہمی تعاون کے  بارہ مفاہمتوں کی یادداشتوں پر دستخط  شامل ہیں۔

آدھے سے زیادہ مالٹا کے ٹریفک پولیس اہلکار گرفتار

دورہ پاکستان کے دوران ترک صدروزیراعظم عمران خان،صدر مملکت عارف علوی، اسپیکرقومی اسمبلی اسد قیصر اور چیئرمین سینیٹ صادق سنجرانی سے ملاقاتیں کریں گے، ان ملاقاتوں میں باہمی تعاون کے فروغ، دفاعی تعاون میں بہتری،افغانستان میں قیام امن، مشرق وسطیٰ کی صورتحال،سمیت باہمی سرمایہ کاری میں اضافے پر تبادلہ خیال کیا جائیگا۔

رجب طیب اردووان اسلام آباد میں پاک ترک اعلی سطح کی تزویراتی تعاون کونسل کے اجلاس میں بھی شرکت کریں گے۔

یاد رہے ترک صدر رجب طیب اردگان کل شام ساڑھے 4 بجے اسلام آباد پہنچیں گے، ترک صدر کا نور خان ایئر بیس پر ریڈ کارپٹ استقبال کیا جائے گا جبکہ انہیں گارڈ آف آنر بھی دیا جائے گا۔

دارلحکومت میں سیکورٹی ہائی الرٹ سیکورٹی فورسز کے سرچ آپریشنز جاری ہے، اسلام آباد ایکسپریس ہائی وے اور گردنواح میں بھی سرچ آپریشن کا فیصلہ بھی کیا گیا ہے جبکہ قانون نافذ کرنے والے اداروں کی گھر گھر تلاشی بھی لی جارہی ہے۔

پولیس حکام کے مطابق سٹی زون میں سرچ آپریشن کے دوران 150گھر 248مشکوک افراد کی چیکنگ کا سلسلہ بھی جاری ہے۔

سرچ آپریشن کے دوران ایک اشتہاری سمیت 10 جرائم پیشہ گرفتار کئے گئے ہیں جبکہ گرفتار افراد سے اسلحہ اور منشیات برآمد ہوئیں ہیں۔