سوشل میڈیا کے قوانین کے حوالے کے معاملے پر وزیراعظم عمران خان نے وفاقی کابینہ کا اجلاس طلب کرلیا گیا ہے۔

ذرائع کے مطابق اجلاس وزیراعظم ہاؤس میں منعقد کیا جائیگا جبکہ اجلاس کا باقاعدہ آغاز کچھ دیر میں ہوگا۔

ذرائع کا کہنا ہے کہ اجلاس میں وزارت قانون، آئی ٹی، پی ٹی اے حکام اجلاس میں شریک ہوں گے جبکہ اجلاس میں قوانین کے فاعدے اور نقصانات سے متعلق بات چیت ہوگی۔

اجلاس میں سوشل میڈیا کے مجوذہ قوانین کا جائزہ لیا جائے گا، وزیراعظم کو قوانین سے متعلق بریفنگ دی جائے گی اور اجلاس میں عوامی تنقید کا بھی جائزہ لیا جائے گا۔

حکومت نے سوشل میڈیا قوانین میں تبدیلی کردی

یاد رہے کہ چند روز قبل حکومت نے پہلی بار آن لائن سہولیات سے فائدہ اٹھانے والے صارفین کی مدد  کے لیےنئے قواعد و ضوابط متعارف کروائے تھے۔

وزارت آئی ٹی نےآن لائن صارفین کےتحفظ  کے لیے نئے قواعد و ضوابط متعارف کروا دیے ہیں جبکہ ایک نئی اتھارٹی کا قیام بھی عمل میں لایا جائے گا ۔

وزارت آئی ٹی کے تحت نیشنل کورآڈینیٹر آفس  قائم کیا جائے گا۔کورآڈینیٹر تمام اسٹیک ہولڈرز اور  وفاقی و صوبائی حکومتوں سے رابطے میں رہے گا۔

وزارت آئی ٹی کے ذرائع کا کہنا ہے کہ نئے قوائد کے تحت   کسی بھی سوشل میڈیا کمپنی  کو تین ماہ میں اتھارٹی سے لازمی رجسٹریشن کروانی ہوگی  ۔

ذرائع کا مزید کہنا ہے کہ سوشل میڈیا کمپنیز 3 ماہ میں پاکستان میں اپنا آفس قائم کرنے کی پابند  ہوں گی جبکہ انہیں ایک سال میں پاکستان میں  اپنے ڈیٹا سرور بنانا  ہوں گے۔

ذرائع وزارت آئی ٹی کا کہنا ہے کہ نئے قواعد کے مطابق  سوشل میڈیا کمپنیز کو شکایت پر 6 گھنٹے میں متنازع یا ممنوعہ مواد بلاک کرنا ہوگا۔

وزارت آئی ٹی کے ذرائع نے بتایا کہ کمپنیز نے تعاون نہ کیا تو اتھارٹی 50 کروڑ روپے تک جرمانہ کرسکے گی جبکہ کمپنیز جرمانے کے خلاف اپیل بھی دائر کرسکیں گی۔