وزیر اعظم عمران خان  نے بھارتی حکومت کی جانب سے مقبوضہ کشمیر میں  مسلم اکثریت کو اقلیت میں بدلنے کی  شدید الفاظ میں مذمت کی ہے۔

سماجی رابطے کی ویب سائٹ ٹوئیٹر پر جاری بیان  میں وزیر اعظم عمران خان نے کہا  کہ  ہندوستان ہندوتوا کی پالیسی پر عمل پیرا ہے اور مقبوضہ کشمیر میں بین الاقوامی قوانین کی  مسلسل خلاف ورزی کررہا ہے۔

We strongly condemn the racist Hindutva Supremacist Modi Govt's continuing attempts to illegally alter the demography of IOJK in violation of all international laws & treaties. The new Jammu and Kashmir Reorganization Order 2020 is a clear violation of the 4th Geneva Convention.

— Imran Khan (@ImranKhanPTI) April 2, 2020

عمران خان نے کہا کہ  نیا جموں وکشمیر تنظیم نو آرڈر 2020 چوتھے جنیوا کنونشن کی واضح خلاف ورزی ہے۔ ہندوستان کی اس کوشش کو مسترد کرتے ہیں اور ہم کشمیریوں کے ساتھ کھڑے ہیں۔

انہوں نے مزید کہا کہ پاکستان بھارتی ریاستی دہشت گردی کو  بے نقاب کرتا رہے گا۔

We stand with the Kashmiris in rejecting this latest Indian attempt to alter the demography of IOJK. Pakistan will continue to expose Indian state terrorism & it's denial of the Kashmiris right to self determination

— Imran Khan (@ImranKhanPTI) April 2, 2020

وزیر اعظم نے کہا کہ بھارتی حکومت کا یہ تازہ ترین غیر قانونی اقدام کا وقت خاص طور پر قابل مذمت ہے  کیونکہ وہ بی جے پی کے ہندوتوا بالادستی کے ایجنڈے کو آگے بڑھانے کے  لیے کورونا وبائی مرض پر بین الاقوامی توجہ کا فائدہ اٹھانا چاہتی ہے۔

عمران خان نے کہا کہ اقوام متحدہ اور عالمی برادری کو ہندوستان کی طرف سے سلامتی کونسل کی قراردادوں کی خلاف ورزی پر روکنا ہوگا۔