لاک ڈاؤن ہوگا یا نہیں؟ سندھ حکومت نے فیصلہ کرلیا۔

وزیر اعلیٰ سندھ مراد علی شاہ سے ملاقات کے بعد تاجر مرزا اختیار بیگ نے بول نیوز سے گفتگو کرتے ہوئے بتایا کہ وزیر اعلیٰ سندھ نے کہا ہے کہ مارکیٹیں ایس او پیلز کے تحت جمعہ اور ہفتہ کو کھلیں گی، کل دوپہر 12 سے ساڑھے 3 کے درمیان لاک ڈاؤن نہیں ہوگا، جمعہ کی نماز ایس او پیز کے تحت ادا کی جائے گی۔

مرزا اختیار بیگ کا مزید کہنا تھا کہ وزیراعلیٰ سندھ کو ریسٹورینٹس کے اوقات کار بھی بڑھانے کی تجویز دی ہے۔

وزیراعلیٰ سندھ سید مراد علی شاہ سے تاجروں کے وفد نے ملاقات کی تھی۔

وفد میں سراج تیلی چیئرمین بزنس گروپ، آغا شہاب صدر کراچی چیمبر، ارشد اسلم سینئر وائس پریزیڈنٹ کے سی سی آئی، اطہر چاولا چیئرمین ریسٹورانٹس ایسوسی ایشن، میاں زاہد آف ایف پی سی سی آئی، خرم اعجاز ایف پی سی سی آئی، مرزا اختیار بیگ، سعیدہ محمود ماندوی والا اور سلیم ماندوی والا ڈپٹی چیئرمین سینیٹ شامل تھے۔

ملاقات میں وزیراعلیٰ سندھ کے ہمراہ وزیر اطلاعات ناصر حسین شاہ، وزیر محنت سعید غنی، وزیر ایکسائیز مکیش کمار چاولہ اور وزیر صنعت اکرام اللہ دھاریجو شریک تھے۔

اجلاس میں لاک ڈاؤن سے متعلق تبادلہ خیال کیا گیا تھا۔