وفاقی وزیر تعلیم شفقت محمود کی زیر صدارت تعلیمی ادارے کھولنے کے حوالے سے بین الصوبائی وزرا تعلیم کا اجلاس جاری ہے۔
تفصیلات کے مطابق کانفرنس میں تمام صوبے اپنی اپنی تجاویز پیش کریں گے، چاروں صوبوں، گلگت بلتستان اور آزاد کشمیر سے بھی وزرا تعلیم شریک ہیں۔
ذرائع کے مطابق پنجاب سے مراد راس اور راجہ یاسر ہمایوں تجاویز دیں گے، وزیر تعلیم سکول پنجاب مراد راس سکولوں کو مرحلہ وار کھولنے کے حوالے سے تجویز دیں گے، پہلے مرحلے میں دسویں سے پانچویں تک کلاسیں لگانے کی تجویز دی جائے گی، دونوں ڈیپارٹمنٹ ادارے کھولنے کے حوالے سے تیار کردہ ایس او پیز اور گائیڈ لائنز بھی دیں گے۔
ذرائع کے مطابق تعلیمی ادارے کھولنے سے متعلق صوبائی حکومتوں کی تجاویز کا جائزہ لیا جائے گا۔
وفاقی وزیر تعلیم شفقت محمود تجاویز اور ایس او پیز پر بریفنگ دیں گے۔
قومی رابطہ کمیٹی تجاویز کی روشنی میں حتمی فیصلہ کرے گی، قومی رابطہ کمیٹی کے گزشتہ اجلاس کے فیصلوں پر عمل درآمد کا جائزہ لیا جائے گا۔
واضح رہےکہ دوسری جانب وزیراعظم نے بھی کورونا سے متعلق قومی رابطہ کمیٹی کا اہم اجلاس طلب کر لیا، صوبائی وزرائے اعلی اجلاس میں شریک ہوں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News