وفاقی وزیر تعلیم شفقت محمود کا کہنا ہے کہ ملک میں عالمی وبا میں اضافے کی افواہیں بے بنیاد ہیں، وبا کے حوالے سے حالات کنٹرول میں ہیں تاہم ایس او پیز پر عمل درآمد نہ ہونے کی وجہ سے کئی اسکول بند کئے گئے۔
تفصیلات کے مطابق وفاقی وزیر تعلیم کا کہنا ہے کہ ایک ہفتے کے دوران اسکولوں کی انسپکشن کی گئی، اسکولوں میں ایس او پیز پر عمل درآمد کا جائزہ لیا گیا۔
انھوں نے کہا کہ سندھ نے تعلیمی اداروں سے متعلق مزید ایک ہفتہ جائزہ لینے کا فیصلہ کیا ہے۔
واضح رہےکہ دوسری جانب صوبہ سندھ کے علاوہ پنجاب، خیبرپختونخوا، بلوچستان، آزاد کشمیر، گلگت بلتستان میں تعلیمی سرگرمیوں کے دوسرے مرحلے کا آغاز ہوگیا ہے۔
چھٹی تا آٹھویں مڈل اسکولز کھل گئے ہیں، اسکولوں میں بچوں کی حاضری بھرپور نظر آرہی ہےاور ایس او پیز پر بھی عمل د رآمد کیا جا رہاہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News