اختیارات واپس لیے جانے پر میئر اسلام آباد مستعفی
میئر اسلام آباد شیخ انصر عزیز نے اپنے عہدے سے استعفیٰ دے...
الیکشن کمیشن آف پاکستان نے میئر اسلام آباد شیخ انصر عزیز کے استعفیٰ پر اعتراض لگا دیا۔
ذرائع کے مطابق الیکشن کمیشن آف پاکستان نے میئر اسلام آباد شیخ انصر عزیز کے استعفیٰ پر اعتراض لگا تے ہوئے میئر اسلام آباد کو متعلقہ فورم سے رجوع کرنے کی ہدایت کردی۔
ذرائع الیکشن کمیشن کا کہنا ہے کہ مئیر اسلام آباد نے آئی سی ٹی ایکٹ کے برخلاف استعفیٰ بھجوایا۔ میئر اسلام آباد نے استعفیٰ کے لیے قانونی طریقہ کار نہیں اپنایا۔
ذرائع کا مزید کہنا ہے کہ الیکشن کمیشن نے میئر اسلام آباد کو چیف کمشنر لوکل گورنمنٹ کو استعفیٰ ارسال کریں، وزارت داخلہ نوٹیفکیشن الیکشن کمیشن کو ارسال کرے گا۔
یاد رہے کہ میئر اسلام آباد شیخ انصر عزیز نے وفاقی حکومت کی جانب سے اختیارات واپس لیے جانے پر گذشتہ روز اپنے عہدے سے استعفیٰ دے دیا تھا۔
میئر اسلام آباد نے استعفیٰ براہ راست الیکشن کمیشن کو ارسال کیا تھا۔قانون کے مطابق مئیر کو چیف آفیسر لوکل گورنمنٹ کو استعفیٰ بھجوانا تھا۔چیف آفیسر لوکل گورنمنٹ استعفیٰ وزارت داخلہ کو بھجواتا پھر وزارت داخلہ استعفیٰ موصول ہونے کے بعد نوٹیفکیشن الیکشن کمیشن کو بھجواتا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News