ورلڈ اکنامک فورم کا کل پاکستان اسٹریٹجی ڈے منانے کا اعلان


شہباز احمد رپورٹر

24th November, 2020
Square ad 300 x 250

کورونا وائرس سے بھرپور اوربروقت مقابلے پر پاکستان کو ایک اور عالمی اعزاز حاصل ہوگیا۔

تفصیلات کے مطابق ورلڈ اکنامک فورم نے پاکستان کی حکمت عملی کودنیا  کے لیے مثال قرار یتے ہوئے  25 نومبر کا دن پاکستان اسٹریٹجی ڈے قرار دے کر پاکستان  کے نام کردیا۔

اس دن کو منانے کا مقصد کورونا سے بچاؤ کی حکمت عملی بنانے پر وزیراعظم عمران خان کی کاوشوں کا اعتراف کرنا ہے۔

ورلڈ اکنامک فورم کا کہنا ہے کہ پاکستان اپنی بہترین حکمت عملی کی وجہ سے کورونا سے سب سے کم   معاشی نقصان اٹھانے والا ملک بن گیا ہے۔

پاکستان کے اعزاز میں خصوصی تقریب  منعقد کی جائے گی جس میں  میں دنیا بھر کے بڑے سرمایہ کار شریک ہوں گے۔

تقریب کے مہمان خصوصی وزیراعظم عمران خان ہوں گے۔ اس موقع پرصدر ورلڈ اکنامک فورم صبح 9 بجے وزیر اعظم عمران خان کا لائیو انٹرویو کریں گے۔

تقریب میں وزیراعظم  کورونا وبا ءکے دوران تعمیراتی صنعت  کے لیے مراعات اور غریب عوام  کے لیے 12 سو ارب روپے کے  ’کورونا ریلیف پیکج ‘پر روشنی ڈالیں گے۔

تقریب میں  ثانیہ نشتر ’احساس ایمرجنیی کیش پروگرام‘کے ذریعے کروڑوں خاندانون کی مدد کے بارے میں بریفنگ دیں  گی۔