وزارت خزانہ نے سرکاری ملازمین کی تنخواہوں کے متعلق خطرے کی گھنٹی بجاتے ہوئے بتایا ہے کہ مختلف اداروں کے ملازمین کے فنڈز ناکافی پڑ گئے ہیں تاہم ملازمین کی تنخواہیں تاخیر کا شکار یا روکی جا سکتی ہیں۔

تفصیلات کے مطابق وفاقی وزارت خزانہ نے تمام وزارتوں اور ڈویژنز کو خط لکھا ہے کہ مختلف اداروں کے ملازمین کے فنڈز ناکافی پڑ گئے ہیں۔ملازمین کی تنخواہیں تاخیر کا شکار یا روکی جا سکتی ہیں ۔

وزارت خزانہ نے کہا ہے کہ تمام ادارے ملازمین کی تنخواہوں کے ذمہ دار ہیں تاہم ملازمین کے متعلق فنڈز کی دستیابی کو یقینی بنایا جائے، اکاؤنٹنٹ آفیسرز فنڈز میں کمی پر سیکرٹریز کو الرٹ جاری کریں اور ملازمین کے متعلق فنڈز کیلئے اسٹریٹیحی پر عمل درآمد کیا جائے۔

وزارت خازانہ کا کہنا ہے کہپہلے مرحلے میں ای آر ای ہیڈز پے رول سے سپلیمنٹری پے رول پر منتقل ہوں گے، اس اقدام سے ملازمین کی تنخواہوں میں تاخیر ہوگی۔

تاہم دوسرے مرحلے میں ملازمین کی تنخواہوں کو روکا جائے گا اور ملازمین کی تنخواہوں کیلئے اضافی فنڈز فراہم نہیں کئے جائیں گے۔

وزارت خزانہ نے بتایا ہے کہ فنڈز ختم ہونے پر ملازمین کی تنخواہیں تاخیر کا شکار ہوسکتی ہیں تاہم تنخواہ کی ادائیگی کیلئے کسی دوسری مد میں ادائیگی نہیں کی جائے گی۔