پشاور بی آر ٹی اسٹیشن اچانک میدان جنگ بن گیا ،جہاں مسافر اور سیکیورٹی گارڈ کے درمیان ناصرف جھگڑا ہوا بلکہ ایک دوسرے پر لاتوں اور مکوں کی بارش بھی ہو ئی۔
تفصیلات کے مطابق خیبرپختونخوا حکومت کے بس ریپڈ ٹرانزٹ(بی آر ٹی) اسٹیشن پر مسافر اور سیکیورٹی گارڈ کے درمیان جھگڑا ہوا ہے۔
ذرائع کے مطابق مسافر نے بغیر ماسک کے پلیٹ فارم پر داخل ہونے کی کوشش کی، منع کرنے سے مسافر سکیورٹی گارڈ سے الجھ پڑا۔
شہری کو بغیر ماسک داخل ہونے سے منع کرنے پر تکرار شروع ہوئی جس کا نتیجہ ہاتھا پائی کی صورت میں نکلا۔
واقعہ ابدرہ روڈ اسٹیشن پر پیش آیا ، بی آرٹی اسٹیشن میں ماسک کے بغیر داخل ہونے کی ممانعت ہے۔
گارڈنے مسافر لڑکے کو ماسک پہننے کی تاکید کی۔ مسافر لڑکے نے سکیورٹی گارڈ سے بدتمیزی کے بعد ہاتھا پائی شروع کر دی۔
موقع پر موجود لوگوں نے بیچ بچاؤ کرایا لیکن معاملہ یہاں نہیں رکا۔
ایف آئی آر کے مطابق ہاتھا پائی کے بعد نوجوان اپنے رشتہ داروں کو بھی لے آیا تھا۔
پولیس کے مطابق سیکیورٹی گارڈ کے ساتھ لڑنے والانوجوان اور ساتھی گرفتار کر لیے گئے ہیں۔ گرفتاری بی آرٹی سیکیورٹی گارڈ کی درخواست پر کی گئی۔
ترجمان بی آر ٹی نے اس واقعہ پر رد عمل دیتے ہوئے کہا ہے کہ بی آر ٹی کے تمام مسافر قابل احترام ہیں مگر ادارے کے قوائد و ضوابط کی پابندی کریں۔
بی آر ٹی سٹاف سے ہرگز بدتمیزی نہ کریں شکایت ہونے کی صورت میں ادارے کی ہیلپ لائن پر کال کریں۔
سٹاف مسافروں کی حفاظت اور رہنمائی پر معمور ہے، انکے ساتھ تعاون کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News