خیرپور میں ٹھری میرواہ، فیض گنج کے قریب کوٹ لالو مہران ہائی وے پر مسافر وین اور موٹر سائیکل میں تصادم کے نتیجے میں 5 بچوں سمیت 6 افراد جاں بحق ہوگئے ہیں۔
تفصیلات کے مطابق مہران ہائی وے پر تیز رفتار مسافر وین کوچ اور موٹر سائیکل کی ٹکر ہوئی جس کے نتیجے میں 5 بچوں سمیت 6 افراد جاں بحق ہو گئے ہیں۔
موٹر سائیکل سوار اسکول کے طلبہ تھے جو اسکول جا رہے تھے کہ اچانک تیز رفتار مسافر وین کوچ سے زوردار ٹکر پر بچے موقع پر جاں بحق ہو گئے۔
حادثے میں جاں بحق ہونے والوں میں 3 کی شناخت 25 سالہ امتیاز علی، 10 سالہ حبدار علی اور 8 سالہ علی کے نام سے ہوئی ہے۔
اس ضمن میں پولیس حکام کا کہنا ہے کہ اطلاع ملنے پر مقامی پولیس کی جانب سے لاشوں کو اپنی تحویل میں لے کر پوسٹ مارٹم کے لیے سرکاری اسپتال منتقل کردیا گیا ہے جبکہ کیس ابھی تک درج نہیں ہوسکا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News