اپوزیشن لیڈر شہباز شریف نے کہا ہے کہ حکومت کالی دولت والوں کے لیے جنت بن چکی ہے کیونکہ ایل پی جی مہنگی ہونے کے بعد نام نہاد ریلیف ہوا میں تحلیل ہوچکا ہے۔
اپوزیشن لیڈر نے ملک کی موجودہ مہنگائی کی صورتحال پر نظر ڈالتے ہوئے کہا ہے کہ حکومت کی جانب سے ملنے والا 10 روپے کا سیاسی ریلیف آئندہ مہنگائی کی صورت میں ادا نہ کرنا پڑجائے۔
انہوں نے کہا ہے کہ سیلز ٹیکس، ودہولڈنگ، کسٹم ڈیوٹی کی مد میں اضافہ سے ٹیکس وصولی بڑھی ہے اور ٹیکس وصولی کا کریڈٹ ریکارڈ درآمدات کو جاتا ہے کیونکہ برآمدات کے مقابلے میں درآمدات دوگنا ہوچکی ہیں ۔
انہوں نے کہا ہے کہ رواں مالی سال میں تاریخ کا تجارتی خسارہ ہونے جارہا ہے جس کی ادائیگی کے لئے یہ رقم کہاں سے آئے گی؟
انہوں نے مالی خسارے کی ادائیگی کے حوالے سے سوال کیا ہے کہ کیا عوام کو لوٹ کر پھر ادائیگیاں کی جائیں گی؟
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News