وزیر اعظم پاکستان عمران خان آج رنگ روڈ منصوبے کا سنگ بنیاد رکھیں گے جس کی افتتاحی تقریب آج مجوزہ ٹھلیاں انٹرچینج کے مقام پر ہوگی ۔

راولپنڈی کی ضلعی انتظامیہ کی جانب سے سنگ بنیاد رکھے جانے کی تقریب کے انتظامات کو حتمی شکل دے دی گئی ہے۔

 کل لمبائی 38.3 کلومیٹر ہوگی، منصوبہ بانٹھ موڑ سے ٹھلیاں تک بنایاجائے گا جس کے تحت 8 ہزار 992 کنال زمین خریدی جارہی ہے۔

زمین کی خریداری پر 6 ارب 72 کروڑ 47 لاکھ 30 ہزار روپے خرچ ہونگے جس کی خریداری کے 5 ارب 90 کروڑ 13 لاکھ روپے صوبائی حکومت نے آرڈی اے کو جاری کیئے ہوئے ہیں۔

زمین خریداری کی مد میں آرڈی اے کے آکاؤنٹ میں 3ارب 51کروڑ 13لاکھ بیلنس میں ہے جس میں سے 2ارب 39کروڑ روپے کی زمین خریدی جاچکی ہے۔

منصوبے کے سول ورکس پر 23 ارب 60 کروڑ 62 لاکھ 10 ہزار روپے لاگت آئے گی جس کی منظوری ایکنک پہلے ہی دے چکا ہے۔

اسکے علاوہ منصوبے کی مجموعی طور پر لاگت 30 ارب 60 کروڑ 69 لاکھ 40 ہزار روپے لاگت آئے گی۔

رنگ روڈ 6 رویہ سڑکوں پر مشتمل ہوگا اور ہر لائن کی چوڑائی 3.65 میٹر ہوگی، دیگر شاہراؤں سے رابطہ قائم کرنے کے لیے5انٹر چینج تعمیر کیئے جائیں گے اور انٹر چینج بانٹھ، چک بیلی روڈ، اڈیالہ روڈ، چکری روڈ اور ٹھلیاں کے مقام پر تعمیر کیئے جائیں گے۔