سرکاری ملازمین نیب قانون کے دباؤ میں کام کر رہے ہیں، رضا ربانی

ویب ڈیسک

04th Jun, 2022. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرکاری ملازمین نیب قانون کے دباؤ میں کام کر رہے ہیں، رضا ربانی

رضا ربانی نے کہا ہے کہ سرکاری ملازمین نیب قانون کے دباؤ میں کام کر رہے ہیں۔

سابق چیئرمین سینیٹ رضا ربانی نے اپنے ایک بیان میں کہا کہ حکومت کی جانب سے آئی ایس آئی کو ایس ای اے قرار دینے کا جاری کردہ نوٹیفکیشن حیران کن ہے۔

رضا ربانی نے کہا کہ ملازمین کی تصدیق اور اسکریننگ سویلین کی جگہ کو cede کرنے کے مترادف ہے، آئی ایس آئی ملک کی سب سے بڑی انٹر سروسز انٹیلی جنس ایجنسی ہے۔

سابق چیئرمین سینیٹ کا کہنا تھا کہ مشرقی اور مغربی سرحدوں کی صورتحال، افغان صورتحال، کشمیر سمیت اس طرح کے دیگر متعلقہ مسائل کے پیش نظر یہ اضافی ٹاسک اس پر مزید بوجھ ہوگا۔

ان کا یہ بھی کہنا تھا کہ آئین 1973 اور سول سرونٹ ایکٹ، 1973 ایک جامع قانون ہے، انہیں سرکاری ملازمین کی اس طرح کی اسکریننگ کی ضرورت نہیں ہے۔

سابق چیئرمین سینیٹ رضا ربانی کا مزید کہنا تھا کہ سرکاری ملازمین نیب قانون کے دباؤ میں کام کر رہے ہیں، عدالتوں نے بعض فیصلوں میں ایسے معاملات میں انٹیلی جنس رپورٹس کو نظر انداز کیا ہے۔