گلگت کے شیر قلعہ میں سیلاب کی تباہ کاریوں کے باعث 4 خواتین جاں بحق جبکہ 2 افراد لاپتہ ہیں۔
تفصیلات کے مطابق ریسکیو 1122کے اہلکار اور مقامی رضاکار لاپتہ افراد کی تلاش اور دیگر امدادی کاررواٸیوں میں مصروف ہیں۔
ذرائع کا کہنا ہے کہ سیلاب کے باعث ضلع غذر میں تمام ریسکیو اہلکاروں کی چھٹیاں منسوخ کر دی گئی ہیں۔
دوسری جانب وزیر اعلیٰ گلگت بلتستان نے شیر قلعہ میں سیلاب سے متاثرہ علاقوں میں فوری ریسکیو اور ریلیف دینے کا حکم دے دیا ہے۔
اپنے ایک بیان میں وزیراعلیٰ گلگت بلتستان خالد خورشید نے سیکرٹری داخلہ گلگت بلتستان کو حکم دیتے ہوئے کہا کہ شیر قلعہ غذر میں نالاجاتی سیلاب سے متاثرہ علاقوں میں ریسکیو اور ریلیف کے کاموں کی ازخود نگرانی کریں۔
وزیراعلیٰ گلگت بلتستان نے سیکرٹری داخلہ کو شیر قلعہ سیلاب سے متاثرہ علاقوں میں ریسکیو اور ریلیف اقدامات پر پیش رفت کی رپورٹ آج رات 11 بجے تک پیش کرنے کا بھی حکم دیا۔
خالد خورشید نےجی بی ڈی ایم اے، تعمیرات، بجلی اور صحت کے محکمہ جات کو شیر قلعہ کے سیلاب سے متاثرہ علاقوں میں ریلیف اور ریسکیو کے فوری اقدامات کے لئے تمام تر وسائل بروئے کار لانے کی بھی ہدایت دی۔
وزیراعلیٰ گلگت بلتستان خالد خورشید کا کہنا تھا کہ مشکل کی اس گھڑی میں حکومت اپنے تمام تر وسائل کے ساتھ متاثرہ خاندانوں کے ساتھ کھڑی ہے۔
ریسکیو اور ریلیف آپریشن میں کوئی کسر باقی نہیں چھوڑیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News