پاکستان مسلم لیگ (ق) کے رہنما و رکن قومی اسمبلی طارق بشیر چیمہ نے کہا ہے کہ پرویز الٰہی اور مونس الٰہی اپنے خاندان کا مزید مذاق نہ اڑائیں۔
تفصیلات کے مطابق طارق بشیر چیمہ نے چوہدری شجاعت کے ہمراہ پریس کانفرنس کرتے ہوئے کہا کہ چوہدری شجاعت کو صدرات سے ہٹاںا ناممکن ہے، ایک صوبائی عہدیدار مرکزی مجلس عاملہ کا اجلاس بلا کر شجاعت صاحب اور مجھے فارغ کر دیتا ہے لیکن مرکزی مجلس عاملہ تو خود ہمارے ساتھ ہے، ہمارے پاس اکثریت ہے۔
ان کا کہنا تھا کہ عمران خان یہاں گھر آیا تھا سوا گھنٹہ ملاقات ہوئی، میں عمران خان سے ملاقات میں ساتھ تھا، وہ سالک کو وزیر بنانا چاہتے تھے لیکن ہم نے کہا کہ مونس کو بناؤ، جتنا پنڈورا باکس کھولو گے اتنا تکلیف ہو گی، میں نے پارٹی اور خاندان کا بٹوارا کیا یہ غلط ہے۔
انہوں نے کہا کہ مجلس عاملہ کی کارروائی دو نمبر تھی، ان کو اختیار حاصل نہیں ہے، ہمارے اراکین کو فون کر کے بلایا جا رہا ہے اور لالچ دی جا رہی ہے، پرویز الٰہی اور مونس الٰہی اپنے خاندان کا مذاق نہ اڑائیں، اقتدار آنی جانی چیز ہے۔
طارق بشیر نے کہا کہ میں نے عمران خان کو تنقید کا نشانہ بنایا کیونکہ وہ جھوٹ بولتے تھے، وہ اندر کچھ باہر کچھ ہے اس لیے مجھے چپ رہنے دیں۔
ان کا کہنا تھا کہ ہمارے وکلا اور قانونی ٹیم کام کر رہی ہے سپریم کورٹ کا فیصلہ سامنے آجائے تو پھر مجلس عاملہ کے خلاف کارروائی ہو گی۔
ان کے ہمراہ مسلم لیگ ق کے سربراہ چوہدری شجاعت حسین نے بھی پریس کانفرنس میں کہا کہ سوشل میڈیا مختلف فورم پر میرے خلاف مہم چلائی جا رہی ہے، مجھ پر جو الزامات لگائے جارہے ہیں اس پر سب کو اعتماد میں لینا چاہتا ہوں۔
انہوں نے کہا کہ سوشل میڈیا اورمختلف فورمز پر میرے خلاف مہم چلائی جا رہی ہے، غلط بیانی کر کے کوئی بھی شخص عوام کو اعتماد میں نہیں لے سکتا، ہر بات کا الزام سیاستدانوں کو دیا جاتا ہے، الزامات لگانے والوں کی اپنی کوئی حیثیت نہیں ہے۔
چوہدری شجاعت حسین نے کہا کہ ایک دوسرے کو گالیاں دی جا رہی ہیں، ملک کی موجودہ معاشی صورتحال پر آرمی چیف کو لانا ہماری نا اہلی ہے، آرمی چیف کو کیوں مداخلت کرنا پڑی، سیاستدانوں کا قصور ہے جس کی وجہ سے آرمی چیف کو مداخلت کرنا پڑی۔
مسلم لیگ ق کے سربراہ نے کہا کہ ہائیکورٹ میں کیسز کئی سالوں سے چل رہے ہیں، 20 سال پرانا کیس ہمارے خلاف چلتا رہا، معیشت کی خرابی کے ذمہ دار صرف سیاستدان ہیں۔
ان کا کہنا تھا کہ میرے بیٹوں پر کرپشن کے الزامات لگانے کی کوشش کی گئی، میں اور طارق بشیر چیمہ وزیراعظم سے ملاقات کرنے گئے، کس جرم کے تحت میرے بیٹوں پر مقدمات بنائے جا رہے ہیں، عمران خان اداروں کے خلاف گفتگو کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News