وزیر تعلیم پنجاب مراد راس کا کہنا ہے کہ سیلاب زدہ علاقوں میں 2ارب سے زائد فنڈ کی مدد سے اسکولز کی بحالی کی جائے گی۔
صوبائی وزیر تعلیم مراد راس نے قائد ہیڈکوارٹر لاہور میں میڈیا سے گفتگو کرتے ہوئے کہا کہ محکمہ سکول ایجوکیشن پنجاب میں گزشتہ چار ماہ کے دوران تباہی مچائی گئی، اپنے لوگ لگانے کے لئے لوگوں کو بلا وجہ نوکریوں سے نکالا گیا، مسلم لیگ ن جیسی جماعتیں نہیں چاہتیں کہ ہماری آنے والی نسلیں پڑھی لکھی ہوں۔
انہوں نے کہا کہ 16000 ایجوکٹرز کی بھرتی کیلئے سمری بھیج دی، گریڈ 1 سے گریڈ 4 تک کے 11 ہزار ملازمین بھرتی کئے جائیں گے، اگلے جمعہ تک تمام سرکاری اسکولز میں کتابوں کی کمی پوری ہو جائے گی، پنجاب میں سیلاب کے دوران ساڑھے 900 اسکولز بند ہیں، سیلاب زدہ علاقوں میں 2 ارب 80 کروڑ فنڈ کی مدد سے اسکولز کی بحالی کی جائے گی۔
‘عمران خان حکومت کے دماغوں پر حاوی ہوگئے ہیں’
مراد راس نے کہا کہ عمران خان پر دہشت گردی کا پرچہ، شہباز گل پر پرچے ہوئے ہیں، عمران خان اور پی ٹی آئی ان کے دماغوں پر حاوی ہوگئے ہیں۔
پی ٹی آئی رہنما نے کہا کہ قوم میں شعور اجاگر ہو چکا ہے کون کس کے لیے کتنا کام کر رہا ہے، 25 جولائی کو دیکھیں، پولیس نے بھی حکومت کے کہنے پر تشدد کیا، میرے اوپر 8 ایف آئی آر کی گئی ہیں ان میں 3 دہشت گردی ہیں، اب اسلام آباد میں بیٹھ کر ایف آئی اے کے ذریعے پرچے کروا رہے ہیں۔
‘عام فرد کی زندگی ختم ہوگئی ہے’
صوبائی وزیر کا کہنا ہے کہ ہمیں مہنگائی پر تنقید کرنے والے خود زیادہ مہنگائی کر رہے ہیں، عام فرد کی زندگی ختم ہوگئی ہے، سارا دن میڈیا میں بیٹھتے ہیں عمران خان عمران خان کرتے رہتے ہیں، یہ سارے چوہے ہیں انہوں میں بلوں میں جا چھپنا ہے۔
انہوں نے کہا کہ عنقریب ان کا حال دیکھنا کیا ہوگا، انہیں بھی معلوم ہے، جیت پی ٹی آئی اور عمران خان کی ہے، آپ نے دیکھا جلسوں پر ہر عمر کے لوگ موجود ہوتے ہیں۔
مراد راس نے مزید کہا کہ عمران خان کو گرفتار کے خدشہ پر لاہور میں بزرگ خواتین رات 1 بجے احتجاج میں شریک ہوئی، عوام کے لیے عمران خان ایک پیشن ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News