پنجاب کے نگراں وزير اعلیٰ سے متعلق اليکشن کميشن آف پاکستان آج اپنا فیصلہ سنائے گا۔
تفصیلات کے مطابق چیف الیکشن کمشنر نے نگراں وزیر اعلیٰ پنجاب کی تعیناتی کیلئے آج شام ساڑھے 6 بجے الیکشن کمیشن میں اہم اجلاس طلب کر لیا ہے جس میں نگراں وزیراعلیٰ کے ناموں پر غور کیا جائے گا۔
نگران وزیرِاعلیٰ کون بنے گا، حکومت اور اپوزیشن اتفاق راۓ میں ناکام رہے. الیکشن کمیشن آج فیصلہ سنا دیگاجبکہ الیکشن کمیشن کا آج شام اجلاس طلب ہوگا جس میں الیکشن کمیشن کا فیصلہ آجائے گا. #BOLNews #CareTakerCMPunjab pic.twitter.com/y8CyBTwmtC
— BOL Network (@BOLNETWORK) January 22, 2023
ذرائع نے بتایا کہ اجلاس میں پنجاب کے نگراں وزیراعلیٰ کے نام کی تقرری کی جائے گی اور الیکشن کمیشن نگراں وزیر اعلیٰ کی تقرری کر کے نوٹیفکیشن گورنر پنجاب کو بھجوائے گا۔
ذرائع کا کہنا ہے کہ الیکشن کمیشن کے پاس نگراں وزیراعلیٰ پنجاب کے تقرر کے لیے آج رات 10 بجے تک کا وقت ہے۔
ذرائع کے مطابق حکومتی اتحاد کی جانب سے احمد نواز سکھیرا اور نوید اکرم چیمہ کے نام تجویز کیے گئے ہیں جبکہ اپوزیشن نے محسن رضا نقوی اور احد چیمہ کو نامزد کررکھا ہے، الیکشن کمیشن ان ناموں میں سے کوئی ایک نام فائنل کرے گا۔
یہ بھی پڑھیں: پنجاب کے نگراں وزیراعلیٰ کے تقرر کا فیصلہ اب الیکشن کمیشن کرے گا
اس موقع پر اجلاس میں چاروں ممبران، سیکریٹری الیکشن کمیشن، اسپیشل سیکرٹری اور ڈی جی لاء شریک ہوں گے اور گزشتہ روز ہونے والے اجلاس کے بارے میں سیکریٹری الیکشن کمیشن نگراں وزیر اعلیٰ پنجاب کے لیے تجویز کردہ چاروں ناموں پر بریفنگ دیں گے۔
سیکرٹری الیکشن کمیشن اجلاس میں چاروں ناموں کے مکمل تفصیلات اور متعلقہ شعبوں میں سروس کے حوالے سے بھی بریف کریں گے۔
خیال رہے کہ گزشتہ روز اسپیکر محمد سبطین خان کا خط میں کہنا تھا کہ آئین پاکستان کے آرٹیکل 112 (1) کے تحت وزیر اعلیٰ کی ایڈوائس پر پنجاب اسمبلی تحلیل ہو چکی ہے، اسمبلی کی تحلیل کے بعد آئین کے آرٹیکل 105 (3) اور 224 اور 224 (A) کے تحت آپ نے پنجاب اسمبلی کے جنرل الیکشن کی تاریخ مقرر کرنا تھی۔
گورنر کو خط لکھتے ہوئے ان کا کہنا تھا کہ آئین پاکستان کے مذکورہ بالا آرٹیکل کے تحت آپ 90 دن میں پنجاب اسمبلی کے جنرل الیکشن کی تاریخ مقرر کرنے کے پابند ہیں، اسمبلی کی تحلیل کے سات روز گزرنے کے باوجود آپ نے پنجاب اسمبلی کے جنرل الیکشن کی تاریخ مقرر نہیں کی۔
مزید پڑھیں؛ ہماری ٹیم نے امپورٹڈ ٹولے کو تاریخی سرپرائز دیا، سبطین خان
علاوہ ازیں نگراں وزیراعلیٰ کے معاملے پر فواد چوہدری کا کہنا تھا کہ آرٹیکل 224-A کے مطابق الیکشن کمیشن دو دن کے اندر ان چار ناموں میں سے کسی ایک کو وزیر اعلیٰ نامزد کرے گا جو پارلیمانی کمیٹی کی طرف سے کمیشن کو بھیجے جائینگے۔
انہوں نے بتایا کہ کمیشن اپنی طرف سے نام نہیں دے سکتا ہے، امید ہے الیکشن کمیشن شریف اور زرداری کے فرنٹ مین کی بجائے بہتر نام کا انتخاب کرے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News