قومی اسمبلی کے ہونے والے ضمنی انتخابات میں شکست کے خوف سے حکومتی اتحاد میں شامل تمام جماعتیں انتخابات سے بھاگ گئی ہیں۔
ذرائع کے مطابق حکومتی اتحاد میں شامل تمام جماعتوں کی جانب سے ضمنی انتخابات کے بائیکاٹ کا فیصلہ کیا گیا ہے۔
ذرائع نے بتایا کہ پیپلز پارٹی نے امیدواروں کو ضمنی انتخابات کے لئے جمع کرائے گئے کاغذات نامزدگی واپس لینے کی ہدایت کر دی گئی۔
ذرائع کا کہنا ہے کہ پیپلزپارٹی ضمنی انتخابات میں حصہ نہ لینے کے معاملے پر تقسیم تھی، پیپلزپارٹی نے حکومتی دباؤ پر بائیکاٹ کا فیصلہ کیا۔
ذرائع کے مطابق وفاقی وزیر اطلاعات مریم اورنگزیب کے اعلان کے بعد پیپلز پارٹی نے امیدواروں کو ہدایت کی۔
ذرائع نے مزید بتایا کہ پیپلز پارٹی کی اکثریت ضمنی انتخابات کے بائیکاٹ کی مخالف تھی تاہم پیپلزپارٹی پارٹی قیادت نے حتمی فیصلہ کیا۔
اس حوالے سے وفاقی وزیر اطلاعات مریم اورنگزیب نے ایک بیان میں کہا کہ فسادی جماعت ضمنی الیکشن لڑے اور اسمبلی میں آجائے، فسادی جماعت استعفوں کی منظوری اور کبھی استعفے منظور نہ کرنے کے لئے عدالتوں میں جاتی ہے۔
انہوں نے کہا کہ الیکشن لڑنا تھا، ایوان میں ہی آنا تھا تو اسمبلیاں کیوں توڑیں؟ استعفے کیوں دیے تھے؟
یہ بھی پڑھیں: پیپلزپارٹی کا قومی اسمبلی کے ضمنی انتخابات کے بائیکاٹ کا فیصلہ
مریم اورنگزیب نے مزید کہا کہ فسادی جماعت چکرا چکی ہے کہ کیا کرے، عدالت جائے، اسمبلی جائے، الیکشن میں جائے، ملک کو کسی ایک شخص کے انتشار کی بھینٹ نہیں چڑھنے دیں گے۔
واضح رہے کہ الیکشن کمیشن آف پاکستان (ای سی پی) نے پاکستان تحریک انصاف (پی ٹی آئی) کے اراکین کے استعفوں سے خالی ہونے والی قومی اسمبلی کی نشستوں میں ضمنی انتخاب کا شیڈول جاری کر دیا تھا۔
الیکشن کمیشن نے اعلان کیا تھا کہ پی ٹی آئی اراکین کے استعفے کے بعد خالی ہونے والی قومی اسمبلی کی 33 نشستوں پر ضمنی انتخابات 16 مارچ 2023 کو ہوں گے۔
بعدازاں 3 فروری کو الیکشن کمیشن نے قومی اسمبلی کی مزید 31 نشستوں پر ضمنی انتخابات کا شیڈول جاری کیا تھا، جس کے تحت 19 مارچ کو مذکورہ نشستوں پر انتخابات کی تاریخ دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News