تحریک انصاف کے چیئرمین عمران خان نے کہا ہے کہ ظلم و جبر کے باوجود ڈٹے رہنے پر کراچی کے عوام کو خراج تحسین پیش کرتا ہوں۔
تفصیلات کے مطابق پی ٹی آئی کراچی کے صدر آفتاب صدیقی کی سربراہی میں وفد نے چیئرمین پی ٹی آئی عمران خان سے زمان پارک میں ملاقات کی۔
آفتاب صدیقی نے چیئرمین عمران خان کو کراچی میں جاری امپورٹڈ حکومت کی انتقامی کارروائیوں سے تفصیلی طور پر آگاہ کیا۔
اس موقع پر عمران خان نے انتقامی کارروائیوں کا شکار ارسلان تاج اور شاہنواز جدون کی ہمت اور حوصلے کو سراہا۔
ملاقات میں عمران خان نے کراچی میں عام انتخابات کی تیاری کیلئے اہم ٹاسک دے دیے، کراچی میں انسانی حقوق کی خلاف ورزیوں پر سیمنار منعقد کیے جائیں گے۔
چیئرمین عمران خان نے اس موقع پر کہا کہ پیپلز پارٹی اور ن لیگ سرکار ایک ہی تھالی کے چٹے بٹے ہیں، کراچی میں پی ٹی آئی کارکنان کے گھروں پر چھاپے گرفتاریاں انسانی حقوق کی پامالی ہے، ملک میں آئین کی کھلی خلاف ورزیوں کا عمل جاری ہے۔
ان کا مزید کہنا تھا کہ کراچی والے حقیقی آزادی کی تحریک میں ہمیشہ آگے رہے، ظلم و جبر کے باوجود ڈٹے رہنے پر کراچی کے عوام کو خراج تحسین پیش کرتا ہوں۔
ملاقات میں پی ٹی آئی کراچی کے جنرل سیکریٹری ارسلان تاج اور رکن صوبائی اسمبلی شاہنواز جدون بھی موجود تھے۔
ضرور پڑھیں؛ حکومت کی انسانی حقوق کی سنگین خلاف ورزیوں پر تحریکِ انصاف کا ڈوزیئر جاری
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News