راولپنڈی میں عوامی مسلم لیگ کے سربراہ شیخ رشید کی رہائش گاہ لال حویلی کو آج صبح سیل کر دیا گیا ہے۔
تفصیلات کے مطابق راولپنڈی کے مختلف تھانوں کی نفری بڑی تعداد میں لال حویلی کے اطراف میں پہنچ گئی، پولیس کی متعدد گاڑیاں اور نفری لال حویلی کو آنے والے راستوں پر موجود ہے۔
شیخ رشید کی رہائش گاہ لال حویلی سیل
صبح سویرے بڑی خبر آگئی#BOLNews #SheikhRasheed pic.twitter.com/8z6IFuHJdU— BOL Network (@BOLNETWORK) September 21, 2023
متروکہ وقف املاک کی جانب سے شیخ رشید کی رہائش گاہ لال حویلی کو سیل کیا گیا ہے جبکہ لال حویلی کو آنے والے راستوں پر سیکیورٹی کے سخت ترین انتظامات بھی کردیے گئے ہیں۔
اس سے قبل متروکہ وقف املاک بورڈ کی جانب سے لال حویلی کو سیل کرنے کے لیے راولپنڈی انتطامیہ اور پولیس سے مدد مانگی گئی تھی۔
ڈپٹی ایڈمنسٹریٹر کا کہنا تھا کہ لال حویلی سمیت ایک پراپرٹی کو صبح 6 بجے خالی کروانا ہے۔ امن و امان کی صورتحال کیلئے مناسب سیکیورٹی اور انتظامی افسر درکار ہے۔
ڈپٹی ایڈمنسٹریٹر نے مزید کہا تھا کہ لال حویلی ڈی 154 متروکہ وقف املاک کی جگہ ہے، متعلقہ جگہ پر لال حویلی اور شیخ رشید کا آفس قائم ہے۔
اس حوالے سے گزشتہ شب متروکہ وقف املاک کی جانب سے جاری نوٹیفکیشن میں لکھا گیا تھا کہ ضلعی انتظامیہ بھی متروکہ وقف املاک کا قبضہ لینے کے لیے قانونی اور افرادی قوت مہیا کرے۔
نوٹیفکیشن کے مطابق پراپرٹی کو خالی کروانے کے لیے کل صبح 6 بجے آپریشن کیا جائے گا، بوہڑ بازار میں قائم دمدمہ مندر اور راجہ بازار کی لال حویلی متروکہ وقف املاک کی ملکیت ہے، سپریم کورٹ کی ہدایات پر دونوں جائیدادوں کو قبضہ مافیا سے خالی کروا کے تحویل میں لیا جائے گا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News